I’m looking for an apartment بَدوِّر عَلى شَقّة

\
اِلمُفرَدات واِلعِبارات
اِسمَعوا هاي اِلمُفردات واِلعِبارات واِدرُسوها:
Listen to the following vocabulary and expressions, then study them.
بِنْتي بِتْفَتِّش عَشُغُل بْراتِب مْنيح بِالسُّعودِيّة. وين كْتابي؟ دَوَّرْت عَليه بِكِلّ اِلبيت بَسْ ما لَقيتُه! | to look for | فَتَّش – يفَتِّش – التَّفْتِيش (عَـ/عَلى) = دَوَّر – يِدَوِّر – التَّدْوير (عَـ/عَلى) | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
يا نانْسي، بِأَيّ بِناية ساكْنة؟ اِلعَمارَة رَقَم 92 بْآخِر اِلشَّارِع عَاليَمِين. | building | بِناية ج. ــات = عَمارة ج. ات | |
شُو مُواصَفات اِلشِّقَّة يَلّي بِتْدَوّْري عَلِيها. | specifications | مُواصَفات | |
بَدّي دَوِّر عَشَقّة صْغيرة بِنَفْس اِلعَمارة يَلّي ساكِن فيها خَيّي. | apartment | شَقَّة ج. شِقَق | |
عيلتي اِسْتَأْجَرَتْ شَقّة أَكْبَر مِنْ شَقِّتْنا اِلقَديمة. أَجار اِلبْيوت كْثير غالي بْمَدِينة نْيويورْك. | to ren (verb) rent (noun) | اِسْتَأْجَر – يِسْتَأْجِر – الِاسْتِئْجار أَجار/إِيجار | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
شَقّْتي فِيها غُرْفِتين نُوم وغُرْفة ضْيوف. يا سارَة، كَمْ أُوضَة بِدِّك بِالشَّقة يَلّي رَحْ تِسْتَأْجِريها؟ | room | غُرفة ج. غُرَف أُوضَة ج. أُوَض | |
– وين اِلحَمّام، لَوْ سَمَحْتِ؟ – الحَمّامات آخِر الْمَمَر. | bathroom | تْواليت = حَمّام ج. ـات | |
بَحِبّ يْكون عَنْدي بِالبيت مَطْبَخ واسِع. | kitchen | مَطبَخ ج. مَطابِخ | |
مِنْ وين اِشْتَريتوا عَفْشِكُن؟ شَكْلَها مِنْ مَحَلّ غالي! أَنا بدِّي اِسْتَأْجِر شَقّة فاضْية بَس زُوجي بِدُّه يِسْكُن بْشَقّة مَفْروشة. | furniture furnished ≠ unfurnished/ empty | أَثاث / مَفْرُوشات / عَفْش مْأَثَّث(ـة)/مَفْروش(ـة) ≠ فاضِي(ـة) | |
أَهْلي كانوا بْيِسْكُنوا بْشَقّة وَهَلَّق اِنْتَقَلوا عَبيت جْديد. | to move | نَقَل – يِنْقُل/يِنْقِل – النَّقل = اِنْتَقَل – يِنْتَقل – الِانْتِقال (عَـ / عَلى) | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
يا شَباب، شو رَأْيكُن بْشَقّْتي اِلجْديدة؟ حِلْوة؟ | opinion | رَأْي ج. آراء | |
أَنا بَفَضِّل اِشْتِري الِأَثاث مِنْ مَحَلّ غالي. | to prefer | فَضَّل – يفَضِّل – التّفْضيل | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
شِركِة بابا بْمَوْقِع مُمْتاز بْبَيْروت. | location, website | مَوقِع ج. مَواقِع | |
رِفيقْتي كْثير هادْية وَما بتِحِب تِحْكي كْثير. | quiet | هادِي (ـة) | |
لازِم اِلْبِس شِي مُناسِب لَحَفْلة عِيد مِيلاد خالي. | suitable, appropriate | مُناسِب (ـة) | |
ما بَحِبّ أَسْكُن بْوَسَط البَلَد، بفَضِّل اِلمَناطِق اِلهادْية. | in the middle/heart of | وَسَط / قَلْب |
اِلتَّعْبيرات
In my opinion | برَأيي |
You’re right | مَعَك/مَعِك حَقّ |
تَمْرين ١: تَرجِموا لَلاِنْجليزيّ جُمَل اِلمُفْرَدات يَلّي بِقائِمة “اِلمُفرَدات واِلعِبارات”.
Translate into English the sentences included in the vocabulary table “اِلمُفرَدات واِلعِبارات”.
تمرين ٢: عَبّوا اِلفَراغات بِالكِلمة أَو اِلعِبارَة المُناسْبَة مِن هاد الدّرْس، واِستَخدِمُوا اِلمُفردات واِلعِبارات بالاِنجليزي كَمَرجِع.
Fill in the blanks using the following vocabulary and expressions from the current lesson. Use the following English equivalent as a reference.
(To rent – Furniture – To prefer – Kitchen – Quite – Empty – Bathroom – Specifications -Apartment – To move to – Rooms – Building – In the middle of – Location)
١- أَخوي قُصَيّ اِشْتَرى _____________ كْثِير حِلوة بْمَدِينة نْيويورك. ______________ عالْية وقُصَيّ ساكِن عَلى اِلطّابِق اِلعاشِر، وبيِقْدَر يْشُوف كِلّ اِلمَدِينة مِن اِلشِّبّاك. شَقِّة قُصَيّ فيها ثَلاث ______________ نُوم، واحْدة مِنْهُم “ماسْتَر” وإِلْها ______________ خاصّ. قُصَيّ بِحِبّ اِلطَّبْخ كْثِير، مِنْشان هيك شَقِّتُه فِيها ______________ كْبِير بيِقْدَر يِعْمِل أَيّ شِي فِيه. اِلمِشِكْلة اِلوَحِيدة إِنُّه قُصَيّ اِشْتَرى اِلشَّقّة ______________ ولازِم يِشْتِري هَلَّق كِلّ _____________. كَمْان بِيت قُصَيّ مِو بـ______________ اِلمَدينة، هُوّ بْعِيد شْوَيّ عَنْ مَنهاتِن. قَبْل ما يشْتِري اِلشَّقّة اِلجْديدة، قُصَيّ ______________ شَقّة بْمَنْطِقة بروكْلين بَسْ ______________ ما كان مُناسِب لِأَنّْها بْعيدة عَنْ شِغْلُه.
٢- لَما كِنّا أَنا وإخْوَتي صْغار، أَبي كان عَنْدُه بِيت صْغير بوْلاية أُوهايو بْمَنْطِقِة بْعيدة كْثير عَن حَياة اِلمَدِينة وكِنّا نْرُوح عَليه كِلّ صيف. أَنا ______________ أَسْكُن بْعيد عَن اِلمُدُن أَحْلى بِكْثير. كُنْت بِتْمَنّى إِنُّه أَنا وَأَبي ______________ عَلى أُوهايو مِنْشانِ نْعيش هُنيك دايْماً!
٣- أحمَد: يا يارا شُو _____________ اِلبيت اِللّي بِدِّك تِشْتَرِيه؟
يارا: بِدّي بيت فِيه ثَلاث غُرَف نُوم وحَمّامين ومَطْبَخ كْبِير.
تمرين 3: اسمعوا الحوار بين باسل وليان وبعدين جاوبوا على الأسئلة.
Listen to the dialogue between Basil and Layan then answer the following questions.
أَسئِلة اِلحِوار:
مين بيِحْكي بِالِاسْتِماع؟ شُو بيِقْرَبوا لَبَعْضُن؟ –١
عَنْ شُو عَم يِحْكوا وشُو لازِم يِعْمَلوا؟ –٢
٣– شو عرَفْتُوا عَن اِلشَّقّة يَلّي بَدُّن يِسْتَأْجَروها؟ كَمْ أُوضَة وحَمّام فِيها؟ وشُو هِيّ اِلأُوَض؟
بَدُّن يِسْتَأْجِروا شَقّة مَفْرُوشة أَوْ فاضْية؟ ليش؟ –٤
وين بّدُّن يْكون مَوْقِع اِلشَّقّة؟ شُو بَدَّها لَيان وشُو بَدُّه باسِل؟ –٥
تَمرين٤: أَسئِلة اِلدَّرْدَشة
بِتْحِبّ/ي تسْكُن/ي بْشَقّة أَوْ بِبيت عَادةً؟ ليش؟ –١
كَمْ طابِق؟اِحْكي عَن اِلبيت/اِلشَّقّة يَلّي بتُسْكُن/ي فِيه/ها؟ كَمْ طابِق؟ –٢
كم غُرْفة وحَمّام فِيها؟
كيف فَتَّشْت/ي عَلى الشَّقَّة/اِلبيت؟ كان صَعْب تْلاقِي اِلبيت/ اِلشَّقَّة؟ ٣–
اِلبيت/اِلشَّقَّة يَلّي بْتُسْكُن فِيه/ها مَفْرُوش/ـة وِلّا فاضِي/ـة؟ –٤
٥- شُو أَحْسَن، تِسْتَأْجِر/ي بيت مَفْرُوش أَوْ فاضِي بِمَنْطِقْتك؟ ليش؟
وين بْتُسْكُن/ي عيلِتْكُن؟ وكِيف اِلبيت/اِلشَّقَّة يَلّي بْتُسْكُن/ي فِيه/ها؟ –٦
كيف اِلبيت/اِلشَّقَّة اِلّلي بْتِحْلم/ي تُسْكُن/ي فِيه/ـها بِالمُستَقْبَل؟ –٧
بِتْفَضِّل/ي تِسْكُن/ي بقَلْب اِلمْدينة أَو بمَنْطِقة هادْية؟ ليش؟ –٨
برَأْيك، كِيف بْيِخْتَلِف اِلبيت اِلأَمْريكي عَن اِلْبيت اِلعَرَبي؟ –٩
أَسْئِلة إِضافِيّة:
لْقيت/ي مَشاكِل بأي شَقَّة/بيت اِستَأْجَرته/ها؟ شو كانَتْ هاي اِلمَشاكِل؟ –١
شُو اِلأَشْياء اِللّي ما بْتِعْجِبك بِالبْيوت/اِلشِّقَق؟ (بِالمَوْقِع واِلغُرَف واِلمَطْبَخ واِلعَفْش) –٢
بِرَأْيك، شَكْل اِلبْيوت/اِلشِّقَق واِلأَثاث رَحْ يِتْغَيَّر كْثِير بَعْد خَمْسِين سَنة؟ كيف رَحْ يِتْغيَّر؟ –٣
أَيّ غُرْفة بِتْفَضِّل/ي تُقْعُد/ي فيها أَكْثَر؟ وليش بِتْفَضَّل/ي هالغُرْفَة؟ –٤
بِتْفَضِّل/ي تِنْتَقَل/ي كُلّ كَم سَنة لَبيتِ جْديد وِلّا بِتْفَضَّل/ي تِسْتَقِرّ/ي بِبِيْت واحَد؟ ليش؟ –٥
تْعَرَّفُوا عَلى أَجْزاء اِلبيت بِالشّامِي:
تَمرين٥: شُوفوا فِيديو (بيت لُجَين) وعَبّوا اِلفَراغات بِالكِلْمات يَلّي بْتِسمَعُوها.
Watch the video “Lujain’s house” and fill in the blanks with the vocabulary you hear.
أَهْلا وْسَهْلا! هاد ____________… ____________!
هاي ____________ ____________. اِللّي ____________عَنّا ____________غَرِيبين أو ناس ما مْنِعْرِفْهُم. ____________بْيجُوا عَهاي الغُرفة.
هاي _____________ ______________. وهاي ______________ _________________ اِلّلي بْياكْلُوا فِيها ________________ بَرْضُو. عَشان إذا ______________هُم
عَلى غَدا. على غدا أَوْ عَلى إِشي زَيّ هيك أَوْ عَلى ___________________.
فَـ _____________ هُون بْياكْلوا و _____________ مَعْهُم عَشان ناكُل مَعْهُم.
هاد _____________ وإِحْنا كَمان _____________ مْناكُل فِيه. وكَمان يَعْني أَكْثَرِيِّة أَوْقاتْنا _____________ هُون ونِحْكي مَعَ بَعض.
وَعَشان يْكُون كُلّ شِي بِمُتناوَلْنا. هُون بِـ _____________ .
هاي غُرْفِة______________، غُرْفِة ______________. ________________ فِيها كُل_____________ بِالْوَقْت اِلمُخَصَّص لَلْعيلة. فكلنا ___________ و___________ بِالمَواضيع اِللّي بِدْنا إِيّاها.
و___________ فيها تليفزيون ____________ كُلْنا نِحْضَرُه ____________ ____________ ونِتْسَلّى.
هاي غُرفْتِي. ____________ فِيها مَع ____________ تَسْنِيم وجَنان. وفِي غُرْفة غِيرْها لَـ____________ اِلتّانْيين.
كَمان وهاي ____________ ـي. فهاي غرفتي بَدْرُس فِيها
. ____________ هُون ____________ . اَفْتَحُه؟ هُون
Optional: Watch this video “Arab dining room غرفة الضيوف العربية” to learn about the importance of the guest room for Arab families. هاد اِلفِيديُو مُعظَمُه بالاِنْجلِيزِي
اِلثَّقافة:
Optional: Watch this video “Arab dining room غرفة الضيوف العربية” to learn about the importance of the guest room for Arab families.
تَمْرين ٦: اِقْرَؤوا الثَّقافة بَعْدين سَجِّلوا فِيديو تِحْكًوا فيه عَنْ هاي المَوْضوعات:
Read the culture section, then record a video talking about the following topics:
كِيف مُمْكِن تْلاقِي شَقَّة أَو بيت لَلإِيجار بِبْلاد اِلشّام؟ اِحْكُوا عَنْ الـ 3 طُرُق (ways)
ليش غُرْفِة الِضْيوف خاصَّة بِالبيت اِلعَرَبي؟ وكِيف بْتِخْتَلِف عَن اِلبيت اِلأَمْرِيكي؟
تَمْرين ٧: فَتّْشوا بْواحِد مِنْ هاي اِلمَواقِع عَلى بيت أَوْ شَقَّة بِتْحِبّوا تِسْكُنُوا فِيها بِبِلاد اِلشّام بَعْدين اِعْمَلوا screenshot لَهاد اِلإِعْلان وكُونُوا جاهْزِين لَتْشارْكُوا مُواصَفات اِلبيت واِلشَّقَّة مَع زَمايِلْكُن وتِحْكوا ليش بِتْفَضّلُوا تِسْكُنُوا هُنِيك؟
Search on one of those websites for a house or an apartment that you would like to live in in the Levant, then take a screenshot of this advertisement and be ready to share the specifications of the house or the apartment with your colleagues and explain why you would like to live there?
Important Note: If you’re using your cellphone, both اِلسُّوق اِلمَفْتُوح and شو بِدّك؟ will ask you to download the app. Click on مُتابَعة إِلى اِلمَوْقِع to browse the website online.
دروبيزل – لبنان السوق المفتوح – الأردن كل شي – سوريا شو بدك – فلسطين
اِلقَواعِد: اِسْم اِلفاعِل Active Participant
A prominent aspect of Shaami is the frequent use of the اِسْم اِلفاعِل pattern. In this unit, we will introduce the اِسْم اِلفاعِل as it is commonly used in Shaami.
- Forming اِسْم اِلفاعِل
Depending on the form
اِسْم اِلفاعِل | اِلفِعِل | اِلوَزَن |
كاتِب(ـة) صاحي(ـة) رايِح(ـة) حابّ(ـة) | يِكْتُب يِصْحى يْرُوح يْحِبّ | فعل |
مْخَلِّص(ـة) مُصَمِّم(ـة)* | يْخَلِّص يْصَمِّم | فَعَّل |
مْسافِر(ة) مْلاقِي(ـة) | يْسافَر يْلاقِي | فاعَل |
مِفطِر(ة) | يِفطِر | أَفْعَل |
مِتغَدّي(ـة) مِتزَوِّج(ـة) | يِتْغَدَّى يِتْزَوَّج | تَفَعَّل |
مِتقاعِد(ة) | يِتْقاعَد | تَفاعَل |
مِنتَقِل(ـة) | يِنتَقِل | اِنْفَعَل |
مِشتَغِل(ـة) | يِشْتَغِل | اِفْتَعَل |
مِسْتَأجِر(ة) | يِسْتَأْجِر | اِسْتَفْعَل |
The prefix مـ on اِسْم اِلفاعِل will usually take a kasrta ـِor a sukuun ـْ except when it serves the meaning of a profession it will take a Dhammah ـُ:
أَمْثِلة: مُهَنْدِس، مُصَمِّم، مُدير، مُساعِد مُدِير، مُوَظَّف، مُمَرِّض، مُحامِي.
Note: اِسم الفاعِل in the table above are all in the singular masculine form. In sentences, اِسم الفاعِل must be changed to match the gender and the number (singular or plural) of the subject by adding the suffix (ة/ات/ين).
اِلأَوْلاد نايْمِين مِن اِلسّاعَة 9:00 اِلمَسا. | الوَلَد نايِم مِن اِلسّاعة 9:00 اِلمَسا. | اِلمُذَكَّر |
خالاتي مْسافْرات عَتُرْكِيا مَع صاحْباتُهن. | خالْتي مْسافْرة عَتُرْكِيا مَع صاحْباتْها. | اِلمُؤَنَّث |
- Meaning of اسم الفاعل:
اسم الفاعل form serves four main purposes: as a profession, stative verb, or an ongoing action.
A profession | جُبْران خَليل جُبْران كاتِب لُبْناني-أَمْريكي مَعْرُوف. أُخْتِي بِتْحِبّ اِلتَّصْوير مِنْشان هيك صارِت تِشْتِغِل مُصَوِّرة. |
Stative verb (like an adjective) | رَفِيقي خالِد مِتزوِّج وعَنْدُه ثَلاث صِبْيان. ماما صارلْها مِتْقاعْدة خَمْس سْنِين. |
Ongoing action | كانَت مْسافْرة لمّا صار اِلحادِث مَع خَطِيبها. اِلأُم: وين أَبوكِ؟ – اِلبِنْت: بابا قاعِد بِالصّالُونـ – |
3. نفي اسم الفاعل: Like adjectives, nouns and prepositions, اسم الفاعل in negated using مِش/مو
إِمُّه مُو حابّة تْسافِر عَأَمْرِيكا بَسْ أَبُوه بِدُّه. –١
أَخُوها مِش مِتْزَوِّج بَسْ هَلَّق بِيْدَوِّر عَلى بِنْت اِلْحَلال. –٢
أَوْلادي كْثير نَعْسانِين، مِش نايْمِين مْنِيح مْبارِح. –٣
مُو قادْرة أَشْتَغِل بِالْبيت، رَح أَطْلَع أَخَلِّص شُغْلي بِالكافيه. –٤
تَمْرين ٨: اِقْرؤوا واُدْرُسوا قَواعِد اِسْم اِلفاعِل وبَعْدين تَرْجِموا كِلّ جُمَل الِأَمْثِلة يَلّي فِيه.
Read and study the “Active Participant” section. Then, translate each of the examples into English.
تَمرين ٩: كَوِّنوا اِسْم اِلفاعِل مِنِ اِلأَفْعال يَلّي بين قَوسين، بَعْدين حَاوْلُوا تِعْرَفُوا مَعْناه فِي اِلجُمَل. إِذا اِسْم اِلفاعِل بِيبَلِّش بـِ(م) اُكْتُبوا اِلحَركة عَليها.
Create Active Participants from the verbs in parentheses. Try to figure out the meanings of these words from the context. If an active participant starts with a م, be sure to write the correct harakat.
اِلطُّلّاب ____________ إِنُّه الجَوّ رَح يْكون بارِد اِليوم. (يحِسّ) –١
اِلتِّلفِزيون ما بْيِشْتَغِل، لازِم أَتّصِل بِالـ_____________. (يْصَلِّح) –٢
رْفِيقْتِي مُو ______________ تِيجِي عَحَفْلِة عِرْس إِخْتي. (يِقدَر) –٣
إِنْتَ هَلَّق إِجِيت؟ اِلامْتِحان ______________ مِنْ ساعة. (يْبَلِّش) –٤
وينِك يا سارة؟!؟ صارّلِي ______________ ـكِ ساعَة ونُصّ هُون. (يِستَنّى) –٥
ما أَحْلى لَمّة اِلعيلة لَمّا نْكون كِلّنا___________ بْبيت سِيدي وسِتّي. (يِتْجَمَّع) –٦
تَمْرين ١٠: اِقْرَؤوا هاي الجُمَل وحاوْلوا تْخَمِّنوا مَعْنى اِسْم الفاعِل فيها وتَرْجِموا الجُمل لَلانْجليزي.
Read the following sentences and try to guess the meaning of the active participant. Then, translate the sentences into English.
١– عْمامي جايين مِن أَمْرِيكا عَالْأُرْدُن اِلأُسْبُوع اِلجاي.
٢– إِمْ أَحْمَد فايْقَة اِلصُّبِح بَكِّير لَحَتّى تِعْمَل اِلفَطور.
٣– أَخو رْفِيقْتِي مِخْتار تَخَصُّص صَعب كْثير.
٤– خَواتا اِلبَنات قاعْدات بِالْبيت وما بْيِشْتَغْلُوا.
٥– اِلأَساتْذة بِالجامْعَة مْخَلَّصِين دْراسِتْهُن مِنْ أَمْرِيكا.
٦– أَنا مُو مْلاقْية كْتاب اِلعَرَبِي… يا الله، وين راح!
٧– جِدها كاتِب مَشْهُور بْجَرِيدة اِلنّيويُورك تايمْز.
٨– أُخِتْهُم بْتُدْرُس تَصْمِيم وَلَمّا تْخَلِّص دِراسة رَح تْصِير مُصَمِّمة حَدائِق.
تَمرين ١٢: اِسْمَعوا اِلحِوار بين رَنين واِلسِّمْسار وبَعْدين جاوْبوا عَلى هاي اِلأَسْئِلة.
Listen to the dialogue between Raneen and the realtor then answer the following questions.
أَوْلاً: صَح أَوْ خَطأ؟
سِمْسار اِلعَقارات قَدَّم لِرَنين شَقّة بسِعْر 200 دِينار بِالشَّهِر. ( ) -1
رَنِين بِدّها تُسْكُن بْمَنْطِقة اِلجْبِيهة لِأَنّها قَرِيبة مِن اِلْجامْعَة. ( )-2
طَلْبَتْ رَنِين شَقَّة مَفْرُوشة وفِيها غُرْفِتين نُوم. ( ) -3
4- الشَّقَّة اِللّي حَكى عَنها السِمْسار بـ”ضاحْيِة اِلرَّشِيد” بْعيدة 5 دَقائِق مَشْي عَنِ الجامْعة. ( )
ثانِياً: اِخْتارُوا اِلجَواب اِلصَّحِيح:
بْأَيّ مَدِينة رَنين بِتْدَوِّر عَلى شَقَّة؟ -1
د. مادَبا | ج. عَمّان | ب. إِرْبِد | أ. اِلبِتْرا |
شُو مُواصَفات اِلشَّقّة اِللّي بِتْدَوِّر عَليها رَنِين؟ -2
د. شَقّة فِيها 3 غُرَف نُوم | ج. شَقّة مَفْرُوشة وِقَرِيبة مِن اِلجامْعَة | ب. شَقّة بْعِيدة عَن اِلجامْعَة | أ. شَقَّة مُو مَفْرُوشة |
شُو بِتْفَضِّل رَنِين بِالنِّسْبة لَلسَّكَن؟ -3
د. إِنَّها تِشْتَري بيت | أِنَّها تْعِيش لَوَحِدْها بِشَقَّة صْغِيرة | ب. إِنّها تِسْكُن بِمَنْطِقة زَحْمة | أ. إِنّها تْعِيش مَع عيلة |
تَمرين ١٣: اِعمَلوا حِوار مَع زَميلكُم/زَميلِتكُم واِستَخدِموا فيه أَكثَر عَدد مِن اِلمُفردات واِلعِبارات اِلجْديدة مِن اِلدَّرس.
Create a dialogue with your partner using the new expressions and vocabulary learned in this lesson.
Role-play You and your friend have decided to move in together and are excitedly searching for the perfect house/apartment to rent near the university. You meet with a realtor to discuss your preferences, including choosing between a house or apartment, number of rooms, furnishings, location, and monthly rent. | لِعْب أَدْوار: إِنْتَ وِرْفِيقك/رْفِيقْتك بدْكُن تِنْتَقْلوا وِمِتْحَمّسِين تْعِيشُوا مَع بَعْض بْشَقَّة/بيت رَح تِسْتَأْجِرُوه بْمَنْطِقة اِلجامْعَة. رَح تِحْكُوا مَع مَكْتَب عَقارِي/سِمْسار وِتِحْكُولُه عَلى شُو عَمْ بِتْدَوّرُوا، وِهاي اِلأَشْياء لازِم تِناقْشُوها مَعُه/ها: كَمْ غُرْفة بِالشَّقّة؟ مَفْروش أَو فاضِي؟ قَدّيش مُمْكِن تِدْفَعُوا إِيجار؟ وكيف رح تِدْفَعوا؟ عَنْدكُم حَيْوان أَلِيف pet، هاي مُشْكِلة؟ |