الوِحدة الرّابعة – الدّرس الثّاني

In the old days أَيّام زَمان

.اِسمَعوا هاي اِلمُفْردات واِلعِبارات واِدْرُسوها

Listen to and study the following vocabulary and expressions.

اِلمُفْـرَدات واِلعِبارات

Listen to the examples.
أمثلة	المعنى بالانجليزي	الكلمة أو العبارة	اِسمَعوا
عَمّي عِنْدُه دار بِـديربورن ساكِن فيها مَع عيلْتُه.	بيت ج. بيوت	دار ج. دْور
جيل اِليوم بِيضَلّ عَالاِنْتَرْنِت وَقْت طَويل.	generation	جيل ج. أَجْيال
مِن زَمان ما شِفْت سيدي وسِتّي لازِم أَزورهُن هاي الأَيّام.	long time ago, time, in the old days	(مِن) زَمان
بِدْنا نْروح نْعَيِّد عَلى قَرايـبـيـنا بِالأُرْدُن بْعيد الفِصح. رَح نْعَيِّد هاي اِلسِّنة مَع قَرايْـبـيـنا ببَـيروت.	to give Eid greetings to someone, to spend Eid with someone	عيّد – يعَيِّد (بـ/ مَع/عَلى/عَـ)
مُدير اِلشِّرْكة رَح يِجْتَمِع مَع كُلّ اِلمُوَظَّفين بِبِداية الأُسْبوع.	to meet	اِجتَمَع – يِجتَمِع – (مَع)
يا شَباب، اِلطَّيّارة بْتِطْلَع اِلسَّاعَة 8 ونُص، فَخَلّيـنا نِتْجَمَّع بِالْمَطار اِلسّاعَة 6.	to gather	تْجَمَّع – يِتْجَمَّع – التَّجَمُّع
أَحْلى شي بِالْعيد هُوّ لَمّة اِلعيلة.	gathering	لَمّة / جَمْعة
بِنِهاية اِلأُسْبوع، اِحْتَـفَلْنا بِعيد ميلاد اِلبابا.	to celebrate	اِحتَفَل – يِحتَــفِل – الاِحتِفال (بِـ / مَع)
أَجْواء عيد اِلميلاد بِأَمْريكا كْثير حِلوة.	atmosphere, weather	جَو ج. أَجْواء
رْفيقْتي بِتْقول إنُّه دِراسة اِلطِّب صَعْبة كْثير.	that (as a connector)	إنُّه *
إِيام اِلعُطْلة مِخْتِلْفة بِالشَّرْق اِلأَوْسَط عَن أَمْريكا.	different	مِخْتِلِف(ـة) / غير (عَن)
خَلّينا نِتْجَمَّع بُكْرَة مَع رِفْـقاتْـنا.	let us…, to leave something, to keep	** خلّى – يخلّي
أَنا وعيلتي، حَبّـيـنا طَعْم اِلأَكْل اِلهِنْدي بِهاد اِلمَطْعَم.	flavor	طَعْم
يا شَباب، خَلّوا اِلْكُتُب عَالطّاوْلة حَتّى نِرْجَع عَالصَّفّ.	even, until, in order to	حَتّى
بْصَراحة، ما بْحِبّ أَلْعَب رِياضَة.	honestly	بْصَراحة
لازِم تِتْرُكي شُغْلِك إِذا إِنتِ مو مَبْسوطَة.	to leave (a place or something)	تَرَك – يِترُك/يترِك  – اِلتَّرك
بِتْحِبّوا نْروح عَالْحَفْلة مَع بَعْض؟	all together	مَع بَعْض / كِلنا سَوا
عيلْتي إجَت عَأَمريكا مِن 10 سْنين، يَعْني مِن سِنة 2013.	since, ago	مِن

تعبيرات

	It looks stunning; to drive (s.o.,) crazy	بِيجَنِّن – بِتْجَنِّن – بيجنِّنوا
هَنادي: ولاء، شوفي هاي سِيّارتي اِلجْديدة. وَلاء: ما أَحلاها، ما شاء الله!	How beautiful!	ما أَحْلاه! (ها، هم، ك، كِ، كم...)
يا ريت عِنْدي وَقْت أَشْوفك بَس وَالله أَنا مَشْغولة.	I wish!	يا ريت!

* تَصريف إنّه Innu

The table below shows all possible forms of إنّه.

He knows that I like to wake up early.	بْيِعرَف إِنّي بَحِب أَفيق بَكّير.
I told him that she is not home.	حَكيتْله إِنْها مِش بِالبيت.

The connector إنّه  is used similarly to “that”. It can also be combined with other pronouns, for example:

…that I…	إنّي
…that you (m.)…	إنَّك
…that you (f.)…	إنِّك
…that he…	إنّه
…that he…	إنْها / إنّا
…that we…	إنّا
…that you (pl.)…	إنْكُم / إنْكُن
…that they…	إنْهُم / إنُّن

تمرين ١: ترجموا للانجليزيّ جمل المفردات يلي بقائمة “اِلمُفرَدات واِلعِبارات“.

Translate into English the sentences included in the vocabulary table “اِلمُفرَدات واِلعِبارات”.

تَمرين ٢: اِستَخدِموا هاي اِلمُفرَدات في جُمَل واِعمَلوا تَسْجيل صَوتي تِـقْــرَؤوا فيه اِلجُمَل.

Use each of the following words in a complete sentence then record yourself reading each sentence.

بْصَراحة	مِن Since, ago	إنُّه
يا ريت	بِيجَنِّن – بِتجَنِّن – بيجنِّنوا	مَع بَعْض / كِلْنا سَوا

شارْكوا اِلجُمل اِللي سَجَّلْتوها مَع زُمَلائْكُم/زَميلاتكُم.

Share the sentences you wrote/recorded with your classmates.

تمرين ٣: عبّوا الفراغات بالكلمة أو العبارة المناسبة من مفردات وتعبيرات الدَّرس.

Fill in the blanks with the appropriate words or expressions from the current lesson. Be sure to conjugate verbs correctly.

(until – to leave – together – weather – I wish – long time ago – honestly – generation – that)

٩- اِلحياة بْأَمْريكا _____________ عَن اِلحياة بِالبْلاد اِلعَرَبِيّة، هون لازِم تِشْتَغِـل ساعات أَطْوَل مِنْشان كِل شي غالي.

مُراد: اِللّيلة رَح نِضْهَر عَالحَفلة كِلْنا سَوا، بِتْحِبّ تيجي مَعنا يا فَريد؟ -١٠

فَريد: _____________! اِللّيلة ما فيني مِنْشان رَح إِضْهَر مَع خَطيـبْـتي.

تمرين ٤: شوفوا فيديو (هنا) مَرتين وبَعدين جاوبوا عَلى هاي الأَسْئِلة مِن خِلال تَسجيل فيديو.

Watch the video (Hana) then answer the following questions in a video recording format.

تَمرين ٥: أَسئِلة اِلدَّرْدَشة

تمرين ٦: اكتبوا جملة لكل معنى من معاني الفعل (خَلّى – يخَلّي) وبعدين سجلوهم بصوتكم.

Write a sentence for each meaning of the verb (خَلّى – يخَلّي), and then record the sentences in your own voice.

تمرين ٧: في مجموعات، ترجموا الجمل باستخدام الفعل (خَلّى – يخَلّي).

In groups, translate the following sentences using the verb (خَلّى – يخَلّي).

القواعد: اِستِخدامات فعل “كان”

1. Basic use الاستعمال الأساسي

The verb “كان” conjugated in the past tense is equivalent to the use of “was/were” in English.

الماضي	الضّمير	الماضي	الضّمير
كُنّا/ كِنّا	إحْنا / نِحْنا	كُنْتْ/ كِنْتْ	أنا
كُنْتوا/ كِنْتوا	إنْتو	كُنْتْ/ كِنْتْ	إنتَ
		كُنْتِ/ كِنْتِ	إنتِ
كانوا	هُمَّ / هِنّ	كان	هوَّ
		كانَت	هيّ

أَمثِلة

أَساتْـذِتْـنا كانوا بِاجْتِماع وَقْت اِلصَّف. -١

هاي اِلبِنْت كانَت بِمَدْرَسة أُخْتي. -٢

اِبِن عَمْتي كان بِـبَـيـروت اِلصّيف اِلْماضي. -٣

كُنت بِالمَطْعَم اِلصّيني مْبارِح بَس ما حَبّيت اِلأَكْل. -٤

2. Past continuous الماضي المُستَمِرّ

The use of the verb كان before a present tense verb indicates a continuous action in the past. It roughly corresponds to the English equivalent of “I was/You were/They were,” etc. For example:

كُنْت، كان، كانوا، كُنّا... + فِعِل مُضارِع = ماضي مُستَمرّ Past continuous

She was cooking lunch when her kids returned from school.	كانَت بْتِطْبُخ اِلغَدا لَمّا رِجْعوا أَولادْها مِن اِلمَدْرَسة.
He was working from home in 2020.	كان بِشْتَغِل مِن اِلبيت بـسَنة 2020.

أمثلة أكثر

أُختي كانَت بْـتِـدَرَّب بِنَفْس اِلشِّرْكة يَلّي اِشتَغَلِت فيها. -١

كان بِيسوق اِلسَّيّارة لَمّا شاف اِلشُّرْطي. -٢

أَنا وعيلْتي كُنّا بنِتغَدّى وَقت ما زارَتنا سِتّي. -٣

كُنتوا بْتِقرَؤوا الأَخبار بَعدين أَكَلتوا اِلفْطور. -٤

يا لينا، ليش كُنتِ بتِحكي مَع صاحِبْتِك بِالتِـلِفون طول اِليوم؟ كُل شي تَمام؟-٥

3. Pseudo-verbs in the past tense

You can also use كان with pseudo- verbs (بدّي/عندي/مَعي/إِلي…) to form their past tense versions. In these cases, كان is not conjugated, it always remains in the 3^rd person past tense. As with the past continuous, you can negate these pseudo verbs with ما.

I wanted to talk to you after work.	كان بدّي أَحْكي مَعِك بَعْد اِلدَّوام.
She had a nice car.	كان عـنْدها سَيّارَة حِلْوة.

أَمثِلة أكتر

كان إِلْها أَخو ساكِن بأَمريكا وهَلّق طِلِع عَلى كَندا. -١

نادْية كان بِدّها تِتفَــرَّج عَلى فيلم بَس اِلوَقت صار مِتأَخِّر. -٢

رِفْـقاتي ما كان عَندُن سَيّارة لَمّا بَلَّشوا يِشْتَغْلوا. -٣

الأُستاذة أَعْطَتْنا قَلَم بِالاِمتِحان لأَنّه ما كان مَعنا. -٤

Note that some urban Syrian and Lebanese speakers conjugate the verb كان before using it with the pseudo-verb such as كُنْت بدّي. but it is not very common.

أمثلة

كُنْت بدّي أَروح عَالجامْعة بَس كُنْت حاسّة حالي مَريضة. -١

قَـرايْـبـيني كانوا بَدّن يْزرورونا وَقْت ما رْجِعْنا مِن اِلسَّفَر. -٢

يا مَيس، كُنتِ بَدِّك تِحْكي مَعي. -٣

كُنت بِدّي أَحكيلِك إِشي بَس ما بَتْذَكَّر شو هُوّ. -٤

4. Negation: Like all verb tenses in Shaami, كان – يكون is negated using ما .

ما كانَت تْحِبّ اِلشوكولاته كْثير بَس هَلَّق بِتْحِبْها. -١

أَخي اِلصْغير ما كان عَنْده رِفْقات كْثير بِالمَدْرَسة. -٢

يا طُلّاب، ليش ما كُنْـتوا بِالمُحاضَرة مْبارِح؟– ٣

ما كانَت تْسوق لَمّا صار اِلحادِث. -٤

ما كان بِدْنا نْروح عَالحَفلة مِنْشان كُنّا تَعْبانين. -٥

تمرين ٨: بِمجموعات من اثنين، ارجعوا للأمثلة في قواعد (استخدام كان) وانفوها باستخدام (ما).

In pairs, reread the examples in the (Use of the verb كان) grammar section. This time, use ما to negate the sentences.

تمرين ٩: أسئلة الدردشة باستخدام كان.

Make sure to answer each of the following questions in full sentence.

شو اِلتَّخَصُّص اِللي كان بِدّك تِدرُسه/تِدرُسيه؟ -١

كان اِلك رِفْـقات راحوا عَجامْعة بِوِلاية ثانْية؟ وين وشو بِدْرُسوا هُناك؟ -٢

٣-شو اِلأَكْل يَلّي كُنْـت تْحِبّه/تْحِبّيه لَمّا كُنْت صْغير/ة بَس هَلَّق ما بِتْحِبُّه/بِتْحِبّيه؟

٤-كيف كانَت حَياتك قَبل ما تبلّش/ــي جامعة؟ كيف صارَت حَياتك بَعْد ما بَديت/ـــي دِراسة؟

شو اِلموسيقى اِللي كُنْت تِسْمَعها/تِسمَعيها لَمّا كُنْت بِالمَدْرسة اِلثانَوِيّة؟ -٥

كيف كُنْت تْروح/ـــي عَالمَدرَسة؟ بِالباص أَو اِلسَّيارة؟ -٦

شو اِلشي يَلّي كان عَنْدك لَمّا كُنْت صْغير/ة وهَلَّق مانُه عَنْدْكُم؟ -٧

اِلثَّـقافة: لَمّة اِلعيلة

Family is a major part of the society and culture of the Levant region. Families are typically big and tightly knit—you will often find that people will host a family gathering, or لَمّة اِلعيلة as it is called, at least once or twice a week! لَمّة اِلعيلة will bring together the immediate family, plus probably a few aunts, uncles, cousins and more, and for many generations these gatherings have helped keep families close.

This is changing, though. Smartphones and the internet have made it easier for families to stay connected across distances, but it has also disrupted family gatherings in a big way. You might find that many sit on their phone or devices for most of the gathering instead of chatting and spending time with their families. It is not just small family gatherings, though—technology is changing many aspects of culture in the Arabic speaking societies.

Take Eid, for example. The holiday used to create an atmosphere buzzing with life: houses filled with the smell of traditional dishes, children dressed in new clothes, and streets crammed with people enjoying the festivities as a community. These traditions definitely continue, but they’re not as common. Eid greetings are exchanged over social media, the gatherings are smaller, and the attendees might be attached to their phones for much of the time.

تمرين ١٠: اِحكوا مع بَعض معاني هاي الكاريكاتيرات. اِقرؤوا العنوان وناقشوا شو ممكن يكون المعنى. برأيكم هاي حقيقية أو فيها مُبالغة exaggeration؟

تَمرين ١١:  اِسمَعوا حِوار “الحياة أيام زَمان” وبَعدين جاوبوا عَلى هاي اِلأَسئِلة.

Listen to the dialogue  “الحياة أيام زَمان”then answer the following questions.

مين يَلّي بْيِحْكي بِالاِسْتِماع؟ شو اِلعَلاقة بينهُم؟ -١

ليش أَيام زَمان كانَت مِخْتَلْفة بِالنِّـسْبة لَلزّلَمة؟ -٢

شو كان يِعمَل اِلزَّلَمة طْول اِليوم؟ وين كان يِشْتَغِل؟ ومَع مين؟ -٣

كان اِلزَّلَمة بِيحِب شُغْلُه؟ كيف عْرِفْتوا؟ -٤

مَتى كانَت عُطْلة اِلزَّلَمة مِن شُغْله؟ -٥

شو عْرِفْتوا عَن دِراسة اِلزَّلَمة؟ شو كان أَهَمّ إِشي بِالنِّـسْبة إِلُه أَيّام زَمان؟ -٦

شو اِلنّاس كانوا بْيِشْتَغلوا أَيّام زَمان؟ -٧

ايش زْوجْتُه لَلزَّلَمة كانَت تِعْمَل طول اِليْوم -٨

اِكتُبوا 3 جُمَل سْمِعْتوها واِستَخْدِموا فيها فِعِل (كان). -٩

تَمرين ١٢ : القِراءة “قِصَص أيام زَمان”

أ- تدرّبوا على قراءة القصتين باللفظ الشامي بعدين اعملوا تسجيل صوتي تقرأوا فيه القصتين.

ناقشوا مع زملائكم شو عرفتوا عن الشخصين في القصة الأولى والثانية. -ب

1. Practice reading both stories aloud in the Levantine dialect. Then, record yourself reading both stores.
2. Discuss with your colleagues what you knew about the characters in the first and second story.

القصة الثانية

“أَنا مِن مَواليد دِمَشْق سَنة الـ 1940 إِجيت عَلى عَمّان مَع أَهلي مِن لَمّا كان عُمْري أَرْبَع سْنين، خَلَّصِت اِلتَّوْجيهي وبَعْديها اِشْتَغَلِت بِالتَّـدْريس بِسَنة الـ 1963 كُنْت وَقِتْها أَدْرُس عُلوم ورِياضِيّات وكُنْت أَشْتَغِل بَعْد اِلظُّهُر بِمَطْعَم “جَبْري”. وبَعْد سَنَوات تْزَوَّجْت وفَتَحْت أَنا وأَبوي مَحَل اِلعَصير بِوَسَط اِلبَلَد وهاد هُوّ يَلّي لِساتْني بَشْتَغِل فيه. أَيّامْها كان أَجار اِلمَحَل 15 دينار بِالشَّهْر، اِلحَمْدٌ لله أَوْلادي وأَحْفادي أَحْلى إِشي في حَياتي وبْأَوَّل حَياتْهُم اِشْتَغَلوا عِنْدي بِالمَحَل بَعدين كُلّ واحَد فِيهم فَتَح مَكْتَبة وكُلّ يوم بْيِحْكولي إِنُّه لازِم أَتْرُك اِلشُّغُل بَس بْصَراحة أَنا مو حابّ أَتْرُك اِلمَحَل. اِلمَحَل زُوّارُه كْثار مِن اِلدُّوَل اِلعَرَبِـيّة واِلأَجانِب خاصّة، كُلّ حَدا بِشْرَب مِن اِلعَصير يَلّي بَعْمَلُه وبِحِبُّه كْثير.

تمرين ١٣: اعملوا تَسْجيل صَوْتي لدقيقتين تحكوا فيه عن قصّة صارت معكم أو قصّة غريبة أو بتضحّك بِالماضي، استخدموا أكثر عدد من مفردات الدرس وقواعد الفعل كان.

Record yourself for up to two minutes narrating a story—whether it’s a strange story or a funny one—that happened to you. Use the past tense and try to incorporate the lesson’s vocabulary and expressions. Make sure to use the verb .كان

تمرين ١٤: شوفوا واسمعوا فيديو (لَمى في بيت سِتها( مرتين وبعدين جاوبوا على هاي الأسئلة من خلال تسجيل فيديو.

Watch the video “Lama at her grandmother’s house“ then answer the following questions.

اِلمَعنى بالانجليزي	مُفرَدات وعِبارات
to plant	زَرَع – يِزرَع – اِلزِّراعة
food, drinks, and snacks that someone offers to their guests	ضْيافة
cookies	كَعْك

كيف عَيَّدَت لَمى عَلى سِتْها؟ شو حَكَتِلها؟ -١

ليش لَمى بِتْزور سِتْها؟ وبِأَي مَدينة بْتِسْكُن سِتْها؟ -٢

٣- كيف كانَت أَجْواء اِلعيد بِدار (في دار) سِتْها لَلَمى أَيّام زَمان؟ ايش اِلأَطْفال كانوا يِعْمَلوا؟

شو حَكَت سِتْها لَلَمى عَن جيل هاي اِلأَيّام؟ -٤

كيف كانَت تْبَلِّش سِت لَمى يومْها؟ شو كانَت تِعْمَل؟ -٥

مين زار دار سِت لَمى؟ شو بْـيِقْرَبولْها؟ -٦

٧- لَمى حَكَت لَلعالم (=اِلنّاس) اِللي زاروا سِتْها “اِلبيت بيتْكُم“، شو مَعنى هاي العِبارة؟ مَتى بْنِسْتَعْمِلْها use؟

شو عَرِفْتوا مِن خالة لَمى عَن أَجْواء اِلعيد زَمان؟ -٨