Home sweet home! يا بيتِي يا بْويتاتِي!
المفردات والعبارات
اِسمَعوا هاي اِلمُفردات واِلعِبارات واِدرُسوها:
Listen to and study the following vocabulary and expressions.
| أمثِلة | المعنى بالانجليزي | الكلمة أو العبارة | اسمعوا |
| بِدّي أَروح عَالسُّوق مِنْشان أَشْتِري أَغْراض لَلْبيت، بِتْحِبّي تِيجِي مَعِي؟ | stuff, thing(s) | غَرَض ج. أَغْراض شَغلة ج. ـات | |
| رَح يِجي ضْيوف عَبيتْنا اِلمَسا وِلازِم نْرَتْبُه. | to tidy up | رتَّب – يِرَتِّب – التَّرْتِيب | |
| بَحِبّ فَصْل اِلرَّبيع مِنْشان اِللّون اِلأَخْضَر لُوني اِلمُفَضَّل. | color(s) | لُون ج. أَلْوان | |
| بْفَضِّل يْكُون لُون اِلمَفْرُوشات بِالبيت فاتِح. | light (in color) | فاتِح (ـة) | |
| بابا بِيْحِبّ اِلسِّيارات اِللّي لُونْها بِيْكون غامِق أَكْثَر. | dark (in color) | غامِق (ـة) | |
| بْحِبّ اِشْرَب قَهْوة سادَة – بِدون سُكَّر وبِدُون حَليب. أُخْتي بْتِلْبَس الِثْياب سادَة، ما بِتْحِبّ الِثْياب الِمْلَوَّنة. | plain | سادَة | |
| اِحْتَرْت شُو اِلْبِس، اِلبَنْطَلون اِلأَسْوَد وِلّا اِلبَنْطَلون اِلأَبْيَض. | to be unsure, confused | اِحْتار – يِحْتار(مِحْتار/ـة) | |
| يا نادِين، ليش غُرْفِتِك مْكَرْكَبة؟ يَلّا رَتْبِيها! اِلبيت قايِم قاعِد مِنْشان أَخي ما بِيْخلّي اِشي بِمَكانُه. | messy | مْكَركَب (ـة) / مْعَفشَك (ـة) /مْشوشَر (ـة) قايم(ـة) قاعِد(ة) | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
| ماما، بِدّي أَرُوح عَـالدُّكان، لازْمِك شِي؟ | I need | لازِمْني – يِلْزَمْني | |
| مَساحِة بيتِي 100 مِتْر مُرَبَّع (m2) بَس وصار لازِمْني بـيت مَساحْتُه أَكْبر. | space, size (for property) | مَساحَة ج. ـات | |
| يا دانَة، تَعي عَـبيتي مِنْشان فَرْجِيكِي فِيديو وْصُوَر عُرْسي. | to show | فَرْجَى – يِفَرْجي / أَرْجَى – يِأَرْجي | |
| إِذا بِدَّك تِـشْتَري أَثاث عَصْري ورَخِيص، فَمُمْكِن تْروح عَـأَيْكِيا. | modern | عَصْري (ـة) | |
| في ناس لِسّا بِيحِبّوا اِلعَفْش التَّقْلِيدِي. | traditional | تَقْلِيدِي (ـة) / تُراثي (ـة) | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
| يا نَدِيم، إذا بِتْرُوح عَالْمَطْبَخ جِـيب لِي كاسة مَيْ إِذا بِتْرِيد. | to bring | جاب – يْـجِـيب | |
| لمّا رُحُتْ أنا وْمَرْتي عَـلَنْدُن عَمَلْنا جَوْلة بِباص اِلمَدِينة. | tour(s) | جَولة ج. ـات | |
| بَفَضِّل يْكُون اِلمَطْبَخ مَفْتُوح عَـالصّالُون. | open | مَفْتُوح (ـة) | |
| يا شَمْس، اِتَّصَلْت فيكِ بَس تِلفونِك كان مَفْصول. | separate, disconnected | مَفْصُول (ـة) | |
| بِالرِّحلة بِدْنا نِسْتَأْجِر شَقَّة تْكُون مُطِلّة عَـالْبَحِر. | overlooking | طَلّ – بِيطِلّ (عـَ/على) مُطِلّ (ـة) | Compact Audio Player Error! The mp3 file URL that you entered in the "fileurl" parameter looks to be invalid. Please enter a valid URL of the audio file. |
تَمْرين ١: تَرْجِموا جُمَل المُفْرَدات يَلّي بِقائِمة (اِلمُفرَدات واِلعِبارات) لَلِانْجليزي.
Translate the sentences in the vocabulary table above into English (اِلمُفرَدات واِلعِبارات).
تَمْرين ٢: عَبُّوا اِلفَراغات بِالكِلْمة أَو اِلعِبارَة اِلمُناسِبة مِن هاد اِلدَّرْس، واِستَخدِمُوا اِلمُفرَدات واِلعِبارات بِالاِنْجلِيزي كَمَرْجِع.
Fill in the blanks using the following vocabulary and expressions from the current lesson. Use the following English equivalent as a reference.
(messy – traditional – to tidy up – light (in color) – space – disconnected – overlooking – to bring – you need – confused – to show)
١– أَخُوي اِسْتَأْجَر شَقَّة بِتْجَنِّن بِـنْيُويُورْك. اِلشَّقَّة بْوَسَط اِلبَلَد و ____________ عَـ سَنْترال بارْك.
٢– يا را، إِذا بْتِيجي عَالحَفْلة بُكْرة، مُمْكِن ____________ مَعِك كاسات وصْحُون بْلاسْتِيكِيّة؟ ما عَنّا صْحُون وْكاسات كافْية بِالبيت.
٣– أَبُوي شَخْص كْثير ________________. ما بِستَخْدِم اِلاِنتَرنِت أَبَداً ولِسّا بْيِقْرَأ اِلأَخْبار بِالجَرِيدة!
٤– ما بَعْرِف إِيش اِلمُشْكِلة. اِلإِنْتَرْنِت بِـبيتي ______________! مُمْكِن نْسِيت أَدْفَع اِلفاتُورة هَالشَّهِر؟
٥– يا جوزيف، خَلّينا نِلْتِقي بِـبـيتَـك اِليُوم. كِنْت كْثْير مَشْغُولة هاد اِلأُسْبوع وبِيـتي كْثِير ____________ مِنشان ما قْدِرْت ________________ـه.
٦– هاد بَنْطَلُوني اِلمْفَضَّل! بَسْ لونُه صار __________________عَشان لْبِسْتُه كْثِير.
٧- أَبُوي بِدُّه أَدْرُس طِبّ، بَسْ أَنا ما بَعْرَف بْشو بِدّي أَتْخَصَّص. _________________، مِشْ عارِف شو بِدّي أَدْرُس!
٨– اِلصّيف هاد رَح أَنْتَقِل عَـبـيت جْديد مِنْشان هَلَّق أَنا ساكْنة بْشَقَّة _________________ـها كْثير صْغيرة.
٩- – أَمِيرة: يا فَرَح، أَنا طالْعة عَالسُّوق. _____________إِشي؟ أَجِيب لِك إِشي مَعي؟؟
– فَرح: لا شُكْراً، بِدّي سَلامْتِك! بَسْ لَمّا ترْجَعي مِن اِلسُّوق بِدّي ________________ـني شُو اِشْتَريتي.
تَمرين ٣: اِسْمَعوا الحِوار بين رَشا ومْحَمد وبَعدين جاوْبوا عَلى هاي اِلأَسْئِلة.
Listen to the dialogue between Rasha and Muhammad then answer the following questions.
أولاً: صَح أَو خَطَأ؟
رَشا سَألِتْ مْحَمّد إِذا كان بِدُّه مْساعْدة بِالتَّخْطيط لَلرِّحْلة. ( ) –١
مْحَمَّد لِسّا ما حَجَز الفُنْدُق. ( ) –٢
مْحَمَّد حَكى رَح يِبْعَت تَفاصِيل اِلفُنْدُق لَمّا يِرْجَع عَالْبيت. ( ) –٣
مْحَمَّد طَلَب مِنْ رَشا تْدَوِّر عَلى أَنْشِطة قَريبة مِنْ اِلفُنْدُق. ( ) –٤
ثانِياً: اِخْتاروا اِلجَواب اِلصَّحِيح:
الرِّحْلة اِللّي بْيِحْكوا عَنْها رَح تْكُون __________________. –١
| د. بُكرَة | ج. اِلشَّهْر اِلجاي | ب. اِلأُسْبُوع اِلجاي | أ. اِليُوم |
٢– مَوْقِع اِلفُنْدُق اِللّي رَح يِنْزِلُوا فِيه مُطِلّ عَلى ______________ .
| د. اِلبَحِر | ج. اِلسُّوق | ب. اِلمَسْبَح | أ. اِلحَدِيقَة |
٣– كيف مْحَمَّد لاقى اِلفُنْدُق؟
| د. رَشا حَكَتْلُه عَنُّه | ج. مِنِ اِلجَرِيدة | ب. أَصْحابُهُ حَكُولُه عَنُّه | أ. عَالإِنْتَرنِت |
٤– شُو اِلشّي اِلخاص بِالفُنْدُق يَلّي رَح يِنْزِلوا فيه؟
| د. قَرِيب مِن اِلسُّوق | ج. صْغير ومَفْصول عَن اِلعالَم | ب. غالي وبْمَنْطِقة حِلْوة | أ. فيه نَشاطات كْثير |
تَمْرين ٤: أَسْئِلة الدَّرْدَشة
١– لمّا بْيجِي عَنْدك ضْيوف عادةً بْأَيّ غُرْفة بْتُقْعُدُوا؟
٢– مين عادةً بِيْرَتِّب بـيـتك/ شَقّْتك لَمّا بِيْكُون مْعَفْشَك؟ مِين أَكْثَر شَخْص بِيْكَرْكِب بـيـتك/ شَقّْتك؟
٣– شُو الَأغْراض/اِلشَّغْلات يَلّي لازِمْتك لَلْبـيـت/اِلشَّقَّة؟ مِن وين رَح تِشْتَرِيها؟
٤– بِتْفَضِّل/ي اِلأَثاث/اِلمَفْرُوشات اِلعَصْرِيّة وِلّا التَّـقْـليدِيّة؟ كيف اِلأَثاث بِـبـيتْكُم؟
٥– شُو لُونك اِلمُفَضَّل؟ وِشُو اِلْأَلْوان يَلّي بْتِعْجِبك؟ بِتْفَضّل/ي اِلأَلْوان اِلفاتْحَة وِلّا اِلغامْقَة؟
٦– شُو بْتِعمَل/ي لَمّا بْتِحْتار/ي بِين خَيارات مِخْتِلفة؟ مِين مُمْكِن تِسأَل/ي وِمين بِيْساعْدك عادةً تِخْتار/ي؟
٧- بِتْفَضِّل/ي يْكُون اِلمَطْبَخ مَفْتُوح عَلى غُرْفة القَعْدة أَو مَفْصُول؟ ليش؟
٨– مين عادةً بِيْجيب أَغْراض لَلْبيت؟ بِتْحِبّ/ي تِطْلَع/ي عَـالسُّوق تْجِيب/ي أَغْراض اِلبيت؟ ليش؟
٩- عَلى شو مْطِلّ شُبّاك غُرْفِة نُومك؟ شُو بِتْشُوف/ي مِن اِلشُّباك؟
١٠– عَلى اِلـSocial media، شُو اِلأَشياء عَن حَياتك يَلّي مُمْكِن تَأَرْجِيها لَلنّاس واِلأَشْياء يَلّي مُو مُمْكِن تَأَرْجِيها؟
أَسْئِلة إِضافِيّة:
لَوْ كان مُمْكِن تْغَيَّر/ي إِشي فِي عَفْش بِيتك إيش بِتْغَيَّر/ي؟ وليش؟ –١
٢– بِتْفَضِّل/ي بيت مَساحْتُه مِش كْبيرة بِـوَسَط المَدِينة وِلّا بيت مَساحْتُه كْبيرة بـمَنْطِقة هادْية بْعيدة عَن اِلعَجْقَة؟ ليش؟
٣– ليش بِرأَيك صار اِلشَّباب ما بِيْفَضلُوا اِلبيت اِلتَّـقْـلِيدي واِلعَفْش اِلتَّـقْـلِيدي؟ بْرَأْيك، هاد اِلتَّغْيير بِشَكْل اِلبيت إِلُه عَلاقة بِتَغَيُّر حَياة اِلنّاس وِلّا بْسَبَب إِشِي ثانِي؟
العفش والديكور
في غُرفِة / أُوضِة اِلنُّوم
تَخْت ج. تْخُوت / سَرِير ج. سَرايِر
bed/mattress
dresser كُمِـدِينَة/تُـوالـيـت
مَخَدّة ج. ات pillow/cushion
شَرْشَف ج. شَراشِف sheet/sheets
حْرام / بَطّانِيّة ج. ـات / غَطا
blanket, cover
جَارُور ج. جَوارِير / دُرْج ج. دْروج /أَدراج
drawers
فِي غُرْفِة / أُوضِة اِلقَعْدة، اِلمَعِيشة / اِلصّالُون
كَنباية ج. ـات / صُوفا ج. صُوفايات
couch/sofa
طَرَبيزة ج. ات / سْكَمْلة ج. ـات
coffee table
سِجّادة ج. سَجاجِيد carpet/rug
لَوْحَة ج. ـات / بِرْواز ج. بَراوِيز
picture/picture frame
بُرْداية ج. بَرادِي / سْتارَة ج. سَتايِر
curtain
lamp لَمْبَة ج. ـات
فِي غُرْفِة / أُوضِة الِضْيُوف
ثْرَيّا ج. ـات
chandelier
سِجّادة ج. سَجاجِيد
carpet/rug
فِي غُرْفِة / أُوضِة اِلسُّفْرَة
طاوْلة اِلسُّفْرة
dining table
زَرّيعة / نَبْتة ج. ـات
(potted) plant
فِي اِلمَطْبَخ
ثَلّاجة ج. ـات / بَرّاد ج.ات
refrigerator
stove / oven فُرْن / غاز
kitchen sink مَجْلى
جَلّاية dishwasher
washing machine غَسّالة ج. ـات
dryer نَشّافة ج. ات
فِي اِلحَمّام
mirror مْراية ج. مَرايا/مُرْي
مَغْسَلِة ج. مَغَاسِل
sink (washing basin)
مَقعدة / كُرْسي اِلحَمّام
Toilet seat
bathtub بانْيو
Hand towel بَشْكِير ج. بَشَاكِير
مَنشَفة ج. مَناشِف towel
trash can سَلِّة زْبالة
الثَّقافة: الأَثاث العَرَبي
Arab living rooms and guest rooms: In some Arab households, the living and guest room is furnished with mattresses (فَرْشة ج. فَرْشات) and pillows (مَخَّدة ج. مَخَدّات). This style of furniture is known as قعدة عربية or مَد عربي. It is most common in Jordan, Palestine, and some Gulf countries. This room serves as both a living room and a guest room.
القَواعِد: المُضارِع المُسْتَمِرّ: عَم / قاعِد Preset continuous
عَم / قاعِد followed by a verb conjugated in the present tense (with or without (بـ are used to express an ongoing action or present continuous verb. They both have the same meaning and function but عَم is mainly used in the urban cities while قاعِد is more common in rural areas.
قاعِد is a in اسم الفاعل form, therefore, when used in a sentence it must match the subject gender (قاعِد / قاعْدة / قاعْدين). Read and listen to the following examples:
أَمْثِلة بِاِسْتِخدام (عَم):
١– شُو عَم تِعمَلي، كْرِسْتِين؟ – عَم بَعمَل قَهْوة، تِشْرَبي مَعِي؟
٢– إِخْوتِي عَم يِشْتَروا خُضار وَفَواكِه مِن اِلسُّوبَر مارْكِت.
٣– اِلطُّلّاب عَم بِيْحْتِفلوا بْتَخَرُّجُهن مِن اِلجامْعَة.
٤– خال عامِر عَم يِدْرُس طِبّ بْأَمْرِيكا.
أَمْثِلة بِاِسْتِخدام (قاعِد / قاعْدة / قاعْدين):
١– أَميرة وأَخُوها قاعْدين بِسَوّوا عَشا لَلْعيلة.
٢– أُم صاحِبْتي قاعْدة بْتِحْكي مَع كِنِّتها.
٣– اِلأُسْتاذ قاعِد بْيِقْرأ كْتاب.
٤– اِلأَوْلاد قاعْدين بْياكْلوا اِلفْطُور.
تَمرين ٥: شُوفوا فِيديُو مِن فِيلم (Despicable Me 2) واِعْمَلُوا تَسْجيل صَوتي بْتِحْكوا فِيه شُو قاعِد/عَمْ يِعْمَل “غْرُو” واِلنّاس يَلّي بِالفِيديُو.
Watch the video from the movie (Despicable Me 2) then make a voice recording talking about what Gru and the people in the video are doing using عَم/قاعِد.
تَمْرين ٦: في مَجْمُوعات مِن اِثْنين، ناقْشوا شُو (عَمْ / قاعِد-ة-ين) بيِعمَلوا اِلنّاس فِي اِلصُّوَر:
In pairs, describe what the people in the pictures are doing:
تَعْبيرات بْنِسْتَخْدِم فِيها اِلأَلْوان
قَلْبُه/ها أَبْيَض قَلْبُه/ها أَسْوَد
His/her heart is white. (describes someone who is kind-hearted, pure, or innocent)
His/her hear is black/ (describes someone with a perceived cruel, evil, or malicious nature)
اِبن/بِنْت اِلبَطّة اِلسُّودا
Lit. The child of the black duck.
Used in the same way the expression “The black sheep” is used.
طَرِيقك خَضْرا
Lit. May your path/way be green.
Used to wish someone good luck.
كِذْبة بِيضا
Lit. A white lie
describe a lie that is told with good intentions, typically to avoid hurting someone’s feelings.
أَعْطا(نِي) اِلضَّو اِلأَخْضَر
Lit. to give (someone) the green light
used to describe permitting or authorizing someone to proceed with an action or project
بياكُل/بتاكُل الأَخْضَر واِليابِس
Lit. eating the green and the dry
Used to describe someone or something that is excessively consuming, destroying, or using up all available resources, without discrimination or consideration.
تَمرين ٧: اِعْمَلوا حِوار صْغِير مُناسِب تِسْتَخْدِمُوا فِيه واحَد مِن اِلتَّعْبِيرات اِللِّي تْعَلَّمْتُوها.
Create a short appropriate dialogue using one of the expressions you have learned.
تَمرين ٨: شُوفُوا فِيديُو (بيت اِلسِّمْبسون) واِعْمَلوا تَسْجِيل صَوتِي بتِعْمَلُوا فِيه إِعْلان لَتْـبِيعُوا (بيت اِلسِّمْبسون). اِسْتَخْدِمُوا أَكْثَر عَدَد مِنْ اِلمُفْرَدات لَتوصِفوا اِلغُرَف واِلأَثاث واِلدِّيكُورات يَلّي بِاِلبيت وأَلْوانْهُم.
Watch the video of (The Simpsons’ House) and make an audio recording in which you create an advertisement to sell it. Use as many vocabulary words as possible to describe the rooms, furniture, decorations in the house, and their colors.
تَمْرين ٩: اِسْتِماع فِيدْيُو (جَوْلة فِي بيت عَزّة ونُور اِلْجْدِيد)
Listen to the video “A Tour in Ezzah and Nour’s New Home.”
أ. اِلاِسْتِماع اِلأَوَّل: اِسْمَعوا كِلّ اِلفِيديُو واِكْتُبُوا أَسْماء اِلغُرَف بـبـيت عَزّة وْنُور واِلأَثاث وأَلْوانْهُم..
ب. اِلاِسْتِماع اِلثّانِي: اِسْمَعوا مِن اِلدَّقِيقة 0:00 لَلدّقِيقَة 3:05 وجاوْبُوا عَلى هاي اِلأَسْئِلة:
كِيف حَكَت عَزّة It’s time to؟ –١
شُو اِلأَشْياء اِللّي فِي اِلمَدْخَل؟ –٢
شُو اِلإِشِي اِلحِلْو فِي اِلمَطْبَخ؟ وشُو أَكْثَر إِشي بِتْحِبُّه عَزّة فِي اِلمَطْبَخ؟ –٣
٤– شُو عْرِفْتُوا عَن اِلزّاوْية اِلمُطِّلة عَالـ Courtyard؟ ليش هاي اِلزّاوْية خاصَّة بِالنِّسْبة لَعزَّة ونُور؟
كِيف كان اِلصّالُون بِـبـيت عَزَّة ونُور؟ شُو غَيَّرُوا فِيه؟ –٥
٦– بِالدَّقِيقَة 2:40، لَشُو بْتِسْتَعْمِل عَزّة هاي اِلزّاوْية؟
ج. الِاسْتِماع اِلدَّقِيق: اِسْمَعوا الفيديو وِعَبّوا الفراغات بِالكَلِمات يَلّي بْتِسْمَعوها.
تمرين ١٠: مِثِل فيديو جَوْلة في بيتنا الِجْديد، صَوّروا فيديو تْعَرَّفونا فيه عَلى بيتكم/شَقَّتْكًم وِتِحْكوا فيه عَن كِلّ التَّفاصيل يَلّي بْتِقْدَروا تِحْكولْنا عَنْها (الغُرَف، الأَثاث، الدّيكور).
Make a video similar to the one you watched in Activity 9. In the video, give us a tour of your home and share as many details as you can about the rooms, furniture, décor, etc.
Note: If you prefer not to create your own video walkthrough, you may select an existing video of a furnished house online and narrate it as though it were your own house. Alternatively, you can create a PowerPoint presentation with pictures of a furnished room or house and provide a voiceover for it.
تَمرين ١١: اِعمَلوا حِوار مَع زَميلكُم/زَميلِتكُم واِستَخدِموا فيه أَكثَر عَدد مِن اِلمُفردات واِلعِبارات اِلجْديدة مِن اِلدَّرس.
Create a dialogue with your partner using the new expressions and vocabulary learned in this lesson.
| Role-play You and a colleague are buying furniture and decorations to furnish the bedrooms, living room and dining room of your new home. However, you have different opinions and taste when it comes to colors, décor, and furniture. Discuss with one another what you would like to buy and try to convince one another to agree with your style. You can use the Ikea-Jordan catalogue to find furniture options: https://www.ikea.com/jo/ar/ | لِعْب أَدْوار: إِنْتَ وزَميلك/زَميلْتك طالْعين تِشْتِروا أَثاث وِديكورات لَغُرْفِة النّوم وِالصّالون وِالسُّفْرة ببيتْكُم الِجْديد. إِنْتو الِاثْنين عَنْدكُم رَأي مِخْتِلِف وذُوق مِخْتِلِف بِالأَثاث والدِّيكورات والأَلْوان. تْناقْشوا شو أَحْلى تِشْتِروا وحاوْلوا اِقْنِعوا بَعْض.. مُمْكِن تِسْتَخْدِموا مَوْقِع أَيْكِيا-الأُرْدُن بِالعَرَبي لَتْحاوْلوا تِخْتاروا الأَثاث: https://www.ikea.com/jo/ar/ |