اِلوِحْدة اِلخامْسة – اِلدَّرْس اِلأَوَّل

كْيف أَوصَل لَهُنيك؟ ?How can I get there

اِلمُفرَدات واِلعِبارات

اِسمَعوا هاي اِلمُفردات واِلعِبارات واِدرُسوها:

Listen to the following vocabulary and expressions, then study them.

أَمثِلة	المعنى بالانجليزي	الكلمة أو العبارة	اِسمَعوا
في مَطرَح قَريب مُمكِن اِشتَري مِنّه تَذكِرة اِلباص؟	place	مَطرَح ج. مَطارِح = مَكان ج. أَماكِن = مَحَلّ ج. مَحَلّات
اِلصَيْدَلِيّة بِآخِر اِلشارِع عَلى اِليَمين. اِيمْتى آخِر صَفّ بْهاد اِلفَصِل؟	at the end of…, the last	آخِر
بَسكُن بِالطّابِق اِلثّاني بِهاي اِلبِناية.	floor	طابِق ج. طَوابِق
بَدِّك تيجي مَعْنا وِلّا رَح تْضَلّي هْون بِالبيت؟	here	هْون
كُنْت بِمُحاضَرة اِلرِّياضِيات وبَعْد ما رْجِعِت عَالبيت طِلِع إِنّي نْسيت كْتابي هُنيك!	there	هُناك = هُنيك
– وين اِلمَخْبَز؟ – اِلمَخْبَز هُناك عَـالزّاوْية.	corner	زاوية = قِرنة*
اِلحَمامات بِآخِر هادْ اِلمَمَرّ.	corridor, hallway	مَمَرّ ج. مَمَرّات / كُوريدور
اِلصَيْدَلِيّة آخِر اِلشّارِع عَاليَسار.	left	(عَـ/عَلى) اِليَسار/اِلشْمال
صَفّ اِلعَرَبي بْآخِر اِلمَمَرّ .عَاليَمين	right	(عَـ/عَلى) اِليَمين
لَمّا وْصِلنا اِلأوتيل، رُحْنا أَوَّل شْي عَـالاِسْتِقْبال.	the reception	اِلاِسْتِقْبال
سَأَلْت اِلأُسْتاذ عَن مَوعِد اِلامْتِحان وحَكالي رَح يْكون بْآخِر اِلأُسْبوع.	to ask a question	سَأَل – يِسْأَل (سُؤال)
ما فيني روح عَالبيت هَلَّق لازِم أُنْطُر بِنْتي لَتيجي.	to wait	نَطَر – يِنْطُر = اِسْتَنّى – يِسْتَنّى
مُمْكِن نِشْتَري بِطاقات اِلبَاص مِن هاد اِلكُشْك؟	kiosk, booth	كُشْك  ج. أَكْشاك
ما مَعي بِطاقِة باص بِدّي أَرْوح أَشْتَريها مِن هاد اِلكُشْك.	card	بِطاقَة ج. بِطاقات
رَح أَنْطُرْكُن قَريب مِن بَوابِة مَركِز اِللّغات.	gate	بَوابة ج. بَوابات
اِلجامْعة بِـالجِهَة اِلثانْية مِن اِلشّارِع.	side	جِهَة = مَيْلة
أَنا وْرِفْقاتي رْكِبْنا اِلباص مِنْشان نْروح مِن عَمّان عَبَيروت بَس طِلِع إِنُّه اِلباص رَح يْروح بَس عَدِمَشْق.	to ride, take (a taxi, a bus, an animal)	رِكِب – يِرْكَب
أَسْعار اِلبْيوت بِأَمْريكا كْثير عالْية هاي اِلأَيّام.	price(s)	سِعِر ج. أَسْعار
في مَطاعِم كْثير بْـوَسْط اِلبَلَد واِلأَكِل فيها طَيِّب.	downtown	وَسْط اِلبَلَد
أَوَّل شْي عْمَلْتُه بَعْد ما وْصِلِت اِلأوتيل إِنّي نِمِت.	to arrive	وِصِل – يوصَل/ يِصَل
ليش وَقَّفِت هون؟ لِسّا ما وْصِلْنا عَبيتي.	to stop	وَقَّف – يْوَقِّف

* قِرنة: is used also in Syrian Arabic to mean a place:

مثال: هاي اِلقِرنة مانا حِلوة خَلّينا نْروح عَقِرنة ثانْية.

 اِلتَّعْبيرات

to the right/left Lit. On your right/left hand	عَـ/عَلى اِيدك اِليَمين/اِليَسار
at the end of the street	بْآخِر اِلشّارِع
by the way	عَـ/عَلى فِكْرة / بِالمُناسَبة

تْذَكَّروا هاد اِلتَّعْبير

ما بِدّي يْروح عَلَيّ اِلباص فَلازِم أَكون بِالمَوقِف 10 دَقايِق قَبْل اِلمَوعِد.

I missed (the bus, flight, train…etc.)

راح عَلَيّ اِلباص

تَمْرين ١: تَرجِموا لَلاِنْجليزيّ جُمَل اِلمُفْرَدات يَلّي بِقائِمة “اِلمُفرَدات واِلعِبارات”.

Translate into English the sentences included in the vocabulary table “اِلمُفرَدات واِلعِبارات”.

تمرين ٢: عَبّوا اِلفَراغات بِالكِلمة أَو اِلعِبارَة المُناسْبَة مِن هاد الدّرْس، واِستَخدِمُوا اِلمُفردات واِلعِبارات بالاِنجليزي كَمَرجِع.

Fill in the blanks using the following vocabulary and expressions from the current lesson. Use the following English equivalent as a reference.

(downtown – gate – to ask – floor – to stop – to ride – to arrive – reception – prices – to wait – left – place – corridor)

١- لَو سَمَحْت بِدّي _____________ ــك سُؤال: بْتِعْرَف وين اِلمَكْتَبة؟

٢- لازِم تِشْتَري سِيّارة عَشان تْروح عَالدَّوام، بَس _____________ اِلسَّيّارات كْثير غالْية هَالأَيّام.

٣- بْتِعْرَفي أَيمَتـى رَح _____________ طَيّارة إِمّك؟ ما بَدّي روح عَالمَطار بَكّير و_____________ وَقْت طَويل هُنيك.

٤- مَع إِنُّه في كْثير ناس وْسِيّارات بِالشّارِع هُناك بَس بَحِبّ ________ _________ كْثير. هُوَّ _____________ـي اِلمُفَضَّل بِالمَدينة كُلّها!

٥- مَكتَب _____________ بِالفُنْدُق بِـ _____________ اِلثّاني. اِطلَعي مِن هون بَعدين اِمْشي لَآخِر _____________. اِلمَكْتَب رَح يْكون عَلى  اِيدِك _____________.

٦- بَس (=لمّا) _____________ بيتي رِنّي عَلَيّ عَشان آجي وأَفْتَح لِك _____________.

٧- كان لازِم نِركَب بْهاد اِلباص بَس اِلباص ما ___________ . لازِم نِسْتَنّى اِلباص اِلجاي.

٨- إِذا بِدْكُن تْروحوا عَالمول لازِم ____________ اِلباص يَلّي رَقْمُه 6.

تَمرين ٣: اِكتُبوا قِصّة قَصيرة عَن هَدول اِلصُّوَر وسَجْلوها. اِستَخدِموا أَكْبَر عَدَد مِن اِلمُفْرَدات اِلجْديدة.

Write a short story inspired by the following pictures. Then record yourselves reading the sentences you wrote.  Use as much new vocabulary as possible.

تَمْرين ٤: أَسئِلة اِلدَّرْدَشة

١- إِذا بِدّك تْروح/ي عَـمَطْرَح ما رُحِت/ي عَليه قَبِل وْما بْتِعْرَف/ي كِيف تْروح/ي عَليه، شو بْتِعْمَل/ي بِالعادة حَتّى تُوصَل/ي هُنيك؟

٢- إِذا ما بْتِعْرَف/ي كِيف تْروح/ي عَلى مَكان، بْتِسأَل/ي اِلنّاس بِالشّارِع؟ شو مُمْكِن تِحْكي؟

٣- لَمّا بِتْروح/ي عَصْفوفك، بْتِركَب/ي اِلباص لَلجامْعة وِلّا بْتِطْلَع/ي بْسَيّارْتك؟ إِذا بْتِرْكَب/ي اِلباص، شو رَقَم اِلباص؟

٤- إِذا رْفيقك/رْفيقْتك تْأَخَّرْ/ت، قَدّيش مُمْكِن تِنْطْرُه/ـا؟ وشو مُمْكِن تِعْمل/ي؟

٥- عُمْرك راح عَليك اِلباص؟ شو مُمْكِن تِعْمَل/ي إِذا راح عَليك اِلباص وكُنْت رَح تِتْأَخَّر عَن اِمْتِحان أَو مَوعِد مُهِمّ؟

٦- شو عَمَلْت/ي بْآخِر يوم مِن اِلعُطْلة اِلماضْية؟

٧- مَتى آخِر مَرَّة رْكِبْت/ي بِالباص لَتْروح/ي عَمَحَلّ بَرّا اِلوِلاية؟ وين رُحْت/ي؟ كِيف اِشتَريت بِطاقة اِلباص؟

اِلقَواعِد: اِسْم اِلمَكان

أ- اِسْم اِلمَكان عَلى وَزِن مَفْعِل(ة) ج. مَفاعِل

ب- أَسْماء أَماكِن ثانْية بِالمَدينة

ج. ظُروف اِلمَكان

تَمْرين ٥: اِكْتُبوا اِسْم اِلمَكان عَلى وَزْن (مَفْعَل/ة ج. مَفاعِل) وبَعدين اِحْزَروا مَعنى اِسْم اِلمَكان:

Use the root letters of each verb to create اسم المكان using the pattern (مفعَل/ة ج.مَفاعِل). Try to guess the meaning of each word.

معنى اسم المكان	اسم المكان بالجمع	اسم المكان بالمفرد	معنى الفعل	الفعل
kitchen	مَطابِخ	مَطْبَخ	to cook	طَبَخ
			To wash	غَسَل (مَفعَلة)
			to enter	دَخَل
			to show	عَرَض
			to make, manufacture	صَنَع
			to store	خَزَّن
			To print	طَبَع (مَفعَلة)

تَمْرين ٦: اِرسُموا خَريطة لَمَنطِقِتْكُم (بيتكُم واِلأَماكِن يَلّي حولُه). واِسْتَعِدّوا لَتَقْديم شَفَوي بِالصّف تِوْصِفوا مَنْطَقِتْكُم وأَهَمّ اِلأَماكِن يَلّي حْولْكُم.

Draw a map of where you live and nearby places around it. Be prepared to present your map in class.

تَمْرين ٧: اِكْتُبوا مِين بْيِشْتَغِل بْهاي اِلأَماكِن ولِيش اِلنّاس بِيروحوا عَليها.

Write the title for a person working in each of the following places and explain why people might visit there.

مَثلاً: اِلصَّيْدَلِيّة: اِلصَّيْدَلانِي بْيِشْتَغِل هُونيك ومِنْروح لَهونِيك لَنِشْتَري اِلدّوا.

١- مَحَلّ اِلصّرافِة:

٢- اِلصّالُون:

٣- اِلمُسْتَشْفَى:

٤- اِلمَزْرَعَة:

٥- اِلسَّفارَة:

٦- اِلكَنِيسة:

تَمْرين ٨: أَسْئِلة اِلدّرْدَشة ٢

Make sure that you give a detailed description of directions.

١- وين أَقْرَب صَيْدَلِيّة مِن بيتك؟ بْأَي شارِع؟

٢- في كَنْيس وكَنِيسة ومَسْجِد قَريب مِن هُون؟ بْأَي شارِع؟ وكِيف مُمْكِن تْروح/ي عَليهُم؟

٣- مِين (مِن طُلّاب صَفّ اِللّهْجة اِلشّامِيّة) بِيكون عَلى يَمِينك ومْين بِيكُون عَلى يَسارَك؟

٤- اِيش أَحْسَن مَطْعَم بِالمِنْطَقَة؟ ووين هُوَّ بِالضَّبْط؟

٥- في مَخْبَز قَرِيب مِن هُون؟ شُو اِسْمُه؟ شُو اِلمَحَلّات يَلّي جَنْبُه؟

٦- شُو اِسِم اِلبِناية يَلّي قُدّام هاي اِلبِناية؟ وشُو في وَرا هاي اِلبِناية؟

٧- ايمْتى آخِر مَرّة رُحْت عَالمَقْهى/اِلكافيه مَع رِفْقاتك؟ شًو شْرِبْت/ي هُناك؟

٨- وين اِلحَمّامات بْهاد اِلطّابِق؟

٩- وين أَقْرَب سِينِما عَلى بيتك؟ كِيف بْتُوصَل/ي لهُنيك؟

تَمْرين ٩: عَبُّوا اِلفَراغات بِالكِلْمة اِلمُناسِبة مِن مُفْرَدات اِلدَّرْس ومُفْرَدات اِلقَواعِد.

Fill in the blanks with the suitable word from the vocabulary list and the grammar vocabulary. Use the following English equivalent as a reference.

(reception – behind – butcher shop – right – in front of – corner – at the end of – left – between)

اِلثَّقافة: اِلأَماكِن اِلمُقَدَّسة فِي بِلاد اِلشّام

بِلاد اِلشّام مَعْروفة بِإِنْها مِنْطَقة فِيها تَنَوُّع diversity دِيني وعِرْقِي ethnic وثَقافِي. فَبِتْلاقِي فِيها كْثِير أَماكِن مًقَدَّسة sacred لَلْمُسْلِمِين واِلمَسِيحِيّين واِليَهْود بِالإِضافِة لَناس مِن اِلطَوائِف sects اِلثّانْية مِثْل اِلدّرُوز واِلاِيزِيدِيّين والوَهّابِيّين وغِيرهُم. وكَمان تارِيخ بِلاد اِلشّام فِيه كْثِير آثار لَحَضارات Civilizations قَدِيمة مِثْل اِلرّومان واِلأَنْباط واِلفينيقيين وغِيرهُم. مِنْشان هيك، بْيِجي عَالمنطقة زُوّار بِالمَلايّين كُلّ سَنِة لَيشُوفُوا هَالأَماكِن اِلخاصَّة. وهُون شْوَيّة أَماكِن دِينِيّة مَشْهُورَة بِبِلاد اِلشّام:

تَمْرين ١٠: اِعْمَلُوا بَحْث عَن مَكانين مُقَدّسين بِبِلاد اِلشّام وجاوْبوا عَن هاي اِلأَسْئِلة، كُونوا جاهْزِين لَتِحْكوا شُو عْرِفْتوا عَن هاي اِلأَماكِن بِالصَّفّ.

Choose two holy places in the Levant region and do research in order to answer the following questions. Be prepared to share what you’ve learned with the rest of the class.

١- في أَيّ بَلَد هاي اِلأَماكِن؟ وشُو تارِيخْهُم؟

٢- لَمِين هُمَّ مُقَدَّسِين؟ وشُو أَهَمِّيِتْهُم اِلدّينِيّة واِلتّارِيخِيّة؟

٣- مِين بِيزُورْهُم؟

٤- كِيف مُمْكِن تْروحوا عَهاي اِلأَماكِن إِذا كُنْتوا بْعاصْمة اِلبَلَد؟ (مَثَلاً: مُمْكِن تِشْتَري تَذْكِرة باص اُونْلاين أَو اِلنّاس بِالعادِة بِتْروح بِالتَّكْسِي)

تَمْرين ١١: اِسْمَعوا حِوار أَنا أُسْتاذِة جْديدة هُون وبَعْدين جاوبُوا عَلى اِلأَسْئِلة:

Listen to the dialogue and answer the questions.

١- مِين بَسْمَة؟

٢- شو بْيِشْتَغِل شَريف؟

٣- وين هاي اِلأَماكِن؟  

– مَكْتَب اِلمُدِير    – اِلحَمّام     – غُرْفِة اِلبَرِيد  – اِلكافِيتِيرْيا واِلكافيه 

٤- بَسْمَة بِتْدرِّس أَي صَفّ؟ 

٥- اِلصَّفّ اِللّي بِتْدَرِّسه بَسْمَة في نَفْس الِبناية؟ وين هاد الصَّفّ؟

تَمْرين ١٢: اِسْمَعُوا اِلحِوار بين داليا ومُوَظَّف اِسْتِقْبال اِلأُوتيل، واِكْتُبُوا عَلى اِلمُخَطَّط اِلأَماكِن يَلّي مُوَظَّف الاِستِقبال وَصَفْها لَداليا.

Listen to the dialogue between Dalia and the hotel receptionist. Then, fill in the outline below with the places that the receptionist is describing.

تَمْرين ١٣: تْفَرَّجُوا عَلى فِيديو (فُورِسْت جَمْب فِي اِلأُرْدُن) وعَبُّوا اِلفَراغات بِالكَلِمات يَلّي بْتِسْمَعُوها وبَعْدين تَرْجِموا اِلنَّصّ لَلاِنْجْلِيزِي.

Watch the video “Forest Gump in Jordan“ and fill in the blanks with the vocabulary you hear then translate the script to English.

عَوَض: اِسْمي عَوَض. عَوَض غالِب. بِدَّك شُكَلاتَة؟ ___________ كانَت تْحِبّ هاد ___________ مِن اِلشُّكَلاتَة. ___________ _________، باكُل ___________ مَلْيون حَبّة في اِليُوم. وكانَت ___________ إِنُّه اِلشُّكولاتَة تَبْعَث ___________. كُنْت أَحِبّها كْثِير. وهِيَّ كانَت كْثير حِلْوة. حَتّى كُلّ النّاس كانَوا حاسْدِينِي عَليها. وعْمِلْنا أَنا وْياها كْثِير ___________ حِلوة. عُمْرِي ما رَح ___________، لأَنْها كانَت ___________. حَبيبتي ما ___________ تِطْبُخ. كُنْت أَنا أَطْبُخ إِلْها. وكان عِنْدْها ___________ ، ___________ اِلغِناء. كانَت تْحِبَ تْغَنّي. وكانَت كَمان بِتْحِبّ ___________ ، و___________  ___________ أَنا وْياها….

عَوَض: عَوَض… عَوَض غالِب. بِحِبِّك!

اِلبِنْت: وأَنا ___________ بَحِبَّك! لا، ما تِمْسِك اِيدِي هَلَّق ___________ ___________.

عَوَض: لا، ___________ ما رَح ___________ هُون.

اِلبِنْت: صَدِّقْني… شَلِّف. شَلِّف يا عَوَض! شَلِّف!

عَوَض: _______ ___________ كْثْير حِلو. لا _______ حِلو! هاد ___________ بِرُوح عَـ”الزَّرْقاء”؟

الشب: هاد ___________ “عَرْجان”.

عوض: هاد ___________ ___________ “عَرْجان”؟

اِلشَّبّ: نَعَم… ليش إِنتَ وين ___________؟

عَوَض: رايِح عَـهاد ___________.

اِلشَّبّ: هاد ___________… ___________ اِلشّارِع.

اِلشَّبّ: ____________.

عَوَض: ________؟ شُكْراً!

تَمْرين ١٤: اِعمَلوا حِوار مَع زَميلكُم/زَميلِتكُم واِستَخدِموا فيه أَكثَر عَدد مِن اِلمُفردات واِلعِبارات اِلجْديدة مِن اِلدَّرس.

Create a dialogue with your partner using the new expressions and vocabulary learned in this lesson.

لَعِب الأَدوار

The dialogue is between a tourist and a receptionist in the hotel where the tourist is staying. The tourist asks the receptionist 5 questions about the area and nearby places (for example, where is there a money exchange office, the nearest café, the best restaurant in the area, etc) and how he can reach them. After you finish, exchange roles with your partner.

اِلحِوار بين سائِح ومُوَظَّف اِسْتِقْبال بِالأُوتيل يَلّي اِلسائِح نازِل فِيه. اِلسّائِح بْيِسأَل اِلمُوظَّف 5 أَسْئِلة عَن اِلمَنْطِقة وأَماكِن اِلقَرِيبة (مَثَلاً: اِلبَنْك/مَحَل اِلصّرافة، أَحْسَن مَطْعَم بِالمَنْطِقة، وأَقْرَب كافيه/قَهْوة) وكِيف مُمْكِن يُوصَل عَلِيهُم. تْبادَلُوا اِلأَدْوار بَعْد ما تْخَلْصُوا.

---