Enjoy your meal! !صَحْتين وعافْـية
اِلمُفرَدات واِلعِبارات
:اِسمَعوا هاي اِلمُفردات واِلعِبارات واِدرُسها
Listen to and study the following vocabulary and expressions.
| أمْثِـلَة | المعنى بالانجليزي | الكلمة أو العبارة | اِسمَعوا |
|---|---|---|---|
| كان بِدْنا ناكُل بْهاد اِلْمَطْعَم بَس ما حَجَزنا مِنْشان هيك ما قْدِرْنا ناكُل .هُناك | to reserve, to book | حَجَز – يِحْجِز- اِلْحَجِز | |
| رْفِيقْـتِي بْتِطْلُب كُل شِي مِنِ الإِنْتِرْنِت مِنْشان ما بِتْحِبّ تِطْلَع .عَالسّوق | to order, to ask for something | طَلَب – يِطلُب – اِلطَّلَب = وَصَّى – يوَصّي (ع/على) | |
| اِلْمَقْـلوبَة وِالِمْسَخَّن أَكْلات .فَلَسْطِينِيّة طَيْبة كْثير | cousin, dish, food | أَكْلة ج. ـات | |
| كَمْ شَخْص رَح يِجي مَعْنا بِالرِّحْلة؟ | person | شَخْص ج. أَشْخاص | |
| فَكَّرْت بِنْتِي اِلصْغِيرة شَبْعانة بَس .طِلْعِت جُوعانة كْثير | hungry ≠ Full (food) | جُوعان(ـة) ≠ شَبْعان(ـة) | |
| يا حَبِيبْتي، أَكْلِك زاكي بَسْ أكْل إمّي .أطْيَب | delicious | زاكي / زاكْية طَيِّب / طَيْبة | |
| شُفْتِ الْمِنْيو يَا آيَة؟ شُو رَح تِطْلُبي؟ | menu | مِنْيو/ ليسْتَة | |
| اِحْتَرْت شُو آكُل فِي هاي اِلْمَطْعَم لأَنُّه فِي خَيارات كْثِيرة (فِي هاي اِلمِنْيو) | choice(s) | خَيار ج. خَيارات | |
| نادْيَة، اِلشُّورْبَة يَلِّي بْتِعْمِليها كْثير طَيْبة، مُمْكِن تِحْكيلِي كِيف عَمَلْتِيها؟ | soup(s) | شُوربَة ج .ــات | |
| اِلْمُقَـبِّلات اِلْمَشْهورَة بْهاد الْمَطْعَم هِيَّ اِلحُمُّص وبابا غَنُّوج. | appetizers | مُقَـبِّلات / مَزِّة | |
| أَنا عُمْري ما جَرَّبْت اِلْأكْل اِلْعَرَبِي .بَسّ اِلْيُوم رَح أَجَرّبُه | to try; try out | جَرَّب – يْجَرِّب – (اِلتَّجْرُبة) | |
| بِنْت عَمّي ما بْتاكُل شُوكولاتَة مِنْشان ما بِتْحِبّ طَعْمْها. | flavor, taste | طَعْم | |
| أُخْتي نَباتِيَّة وما بْتاكُل لَحْم وجّاج .بَس بتاكُل سَمَك | vegetarian | نَباتِيّ(ـة) | |
| أُخْتِي عامْلة دايِت diet– بْتاكُل وَجْبِتين .فِي اِلْيُوم | meal(s) | وَجْبَة ج. ــات | |
| ما عجَبْـني اِلمِنْيو بْهاد اِلْمَطْعَم، خَلّينا نْرُوح عَمَطْعَم ثاني. | to like something (lit. “It pleases [me]”) | عَجَب – يِعْجِب (ني/ـك/ـِك/ـه/ها…) | |
| رْفِيقي اِقْـتَرَح عَلَيّ مَطْعَم جْديد وبِدّي جَرْبُه بنِهايَة اِلأُسْبُوع. | to suggest | اِقتَرَح – يِقْـتَرِح – اِقتِراح | |
| يا شَباب، مِين عَنْدُه حَساسِيّة مِن اِلْحَلِيب؟ هاي الْكَعْكة فِيها حَليب. | allergy (from…) | حَساسِيّة (مِن الـ…) | |
| لَمّا أتْعَشّى مَع عيلْتي فِي مَطْعَم، أَبُوي بيِدْفَع كُلِّ اِلحْساب. | to pay | دَفَع – يِدْفَع | |
| طْلِعْت مَع أَصْحابي عَلى مَطْعَم عَشان عِيد مِيلادِي، وهُمَّ دَفَعُوا اِلحْساب. | amount/total bill | اِلحْساب / اِلفاتُورَة | |
| بْأَمْرِيكا لازِم تِدْفَع إِكْرامِية بِالْمَطْعَم بَس بِبْلاد اِلشّام اِلإكْرامِيَّة بِتْكون بِالْفاتورَة عَالْأَغْلَب. | tip | بَغْشيش/إِكْرامِيّة | |
| لازِم تْكُون اِلْخِدْمة مْنِيحَة إِذا رَح أَدْفَع بَغْشِيش مْنِيح. | service | الخِدمة |
:اِلتَّعبِيرات
| المعنى بالانجليزي | العبارة | اِسمَعوا |
|---|---|---|
| I’m craving | جاي عَبالِي/ طالِع عَبالِي = مِشْتَهي(ـة) | |
| Enjoy your meal! Response: Thank you! (Literally: Health be upon your heart” | !بِالهَنا واِلشِّفا/صَحْتين وعافْية !اِلرَّد: عَلى قَـلْبك | |
| You are welcome/ at your service. | عَـ/ عَلى راسـي / مِن عْيوني تِكرَم/ي/وا (عْيونك) |
“.تمرين ١: تَرجِمُوا لَلاِنْجلِيزيّ جُمَل اِلمُفْرَدات يَلِّي بِقائِمة “اِلمُفرَدات واِلعِبارات
Translate into English the sentences included in the vocabulary table “اِلمُفرَدات واِلعِبارات”.
تمرين ٢: عبّوا الفراغات بالكلمة أو العبارة المناسبة واستخدموا المفردات الجديدة
Fill in the blanks using the appropriate Arabic vocabulary or expressions from the following word bank.
(to crave, bill, service, taste, to like, tip, vegetarian, to order, delicious, to book, allergy)
١- رِحْنا أنا ورفِيقْـتِـي عَمَطْعَم صِيني لَأَوَّل مَرَّة بَس ما _____________ ـها الأَكْل
.هُنِيك. قالِت إِنْها بِتْحِبّ اِلْأَكْل اِلْهِنْدي أَكْثَـر
.peanut butter مِنْشان هيك ما بْتاكُل زِبْدة اِلفُسْتُق nuts ٢- أُختِـي عَنْدها _____________ مِن اِلمُكَسَّرات
٣- هاد اِلْمَطْعَم فِيه خَيارات _____________ كْثِير مِثْـل الُحُمُّص والْفَلافِل
.والسَّلَطات، ما عَنْدْهُم كْثِير أَكْلات فيها جاج ولَحم وسَمَك
٤- جَرَّبْت شُورْبة اِلخُضار اِللّي بِتِعْمِلْها خالْتِي وكانِت اِلشُّورَبَة ______________
.كْثِير
.٥- اِلأَساتْذة والْمُعِيدِين بِالْقِـسْم طِلْعُوا عَلى مَطْعَم غالي كْثِير بِالْمِنْطَقَة
.و__________ كانِت كْثِير عالْية
٦- أَنا وماما بِنْحِبّ نِشْتِـري كل شِي أُونْلاين، ومْبارِح _____________ كْثير أشْياء
.مِن أَمازون
٧- بابا ما عَجَبُه ____________ الأَكْل بِهاد اِلْمَطْعَم وحَكى إِنُّه أَكْل ماما أزْكى مِنْ
.أَكْل اِلْمَطاعِم
.٨- إذا بِدْكُم طاوْلِة بِالْمَطْعَم وَقْت اِلْعَشا لازِم ___________، مِنْشان بْهاد اِلْوَقْـت
.بِكون كْثِير عَجْقَة
٩- _______________ سُوشي هَـلَّق. وين في مَطْعَم سُوشي طَيِّب قَـرِيب مِنْ هُون؟
،١٠- اِلْجَرْسون بِالْمَطْعَم كان كْثِير شاطِر بْشُغْـلُه و____________ كانِت مُمْتازة
.مِنْشان هِـيك بابا دَفَع ___________مُمْتاز
.تَمْرين ٣: أَسْئِلة اِلدَّرْدَشة
١- بِتْحِبّ/ـي تاكُل/ـي بِالمَطْعَم أَو تِطْلُب/ـي أَكِل عَالبيت أَو تِطْبُخ بِالبيت؟ وليش؟
٢- شُو أَحْسَن مَطْعَم بِتْحِبّ/ـي ترْوح/ي عَليه؟ شُو اِلْأَكْل يَلّي بتُطْلُبُه/بْتِطْلُبِيه؟
٣- بِالْعادَة بْتِحْجِز/ي قَبِل ما تْروح/ـي عَلى الْمَطْعَم؟ بِأَيّ مَطاعِم بِالْمِنْطَقَة لازِم تِحْجِز/ـي قَبِل ما ترُوح/ـي عَلِيها؟
٤- إِذا ما كان بِدّك تِطْبُخ/ــي بِالْبيت شُو اِلأَكْلات اِللِّي بْتِطْلُبْها/ـيها مِن اِلْمَطْعَم بِالْعادِة؟
٥- إِذا قَرَّرْت تْصِير/ـي نَباتِيّ/ـة شُو اِلأَكلات يَلِّي مُمْكِن تاكُلها/تاكْلِيها؟ شُو اِلأَسْباب يَلِّي مُمْكِن تْخَلِّيك نَباتِيّ/ـة؟
٦- عَنْدك أَي حَساسِيِّة مِن اِلْأَكِل؟
إِذا إِيه، شُو الْحَساسِيِّة؟ –
إِذا لا، فِي بِعيلْتك أَو مِنْ رِفْقاتـك حَدا عَنْدُه/ها حَساسِيِّة؟ شُو هِيَّ؟ –
٧- شُو اِلْأكْلَة أَو اِلْأَكْلات اِللِّي بْحَياتـك ما جَرَّبِتها/جَرَّبْتِيها بَس بِدّك تْجَرَّبْها/تْجَربِيها؟
٨- كَمْ وَجْبة بْتاكُل/ـي بِالْيُوم؟ شُو وَجْبِتـك اِلمُفَضَّلة؟ وليش؟
٩- لَمّا بِتْرُوح/ـي عَمَطْعَم مَع عيلْتَـك، مِين بِيِدْفَعِ الْفاتورُة بِالْعادة؟
١٠- بْحَياتـك رُحْت/ـي عَلى مَطْعَم وما عَجَبك اِلْأَكْل؟ شُو مُمْكِن تِعْمَل/ـي إِذا ما كان اِلْأَكْل طَيِّب بِالْمَطْعَم؟
١١- شُو اِلْمَطْعَم اِللِّي اِلْخِدْمَة فيه مُمْتازَة بِالمَنْطَقَة؟ وبْتِعْرِف/ـي مَطْعَم الْخِدْمَة فِيه مُو مْنيحَة كْثِير؟
١٢- شُو أحْسَن إِكْرامِيِّة مُمْكِن تِدْفَعْها/تِدْفَعِـيها بِالْمَطْعَم؟ شُو اِلأَشْياء بِتخَلّيك/ي تِدفَع/ي إِكْرامِيّة مْنِيحة؟
١٣- رِفْقاتك بَدُّن يرُوحوا عَأَحْسَن مَطاعِم لِلْفُطور وِالْغَدا وِالْعَشا بِالْمَنْطَقَة، وِين بِـتقْـتَـرِح/ـي يْرُوحوا؟
١٤- شُو جاي عَبالك تاكُل/ــي اِلْيُوم؟
.تَمرين ٤: اِسْمَعوا الحِوار بين تسْنيم وداني وبَعدين جاوْبوا عَلى هاي الأَسْئِلة
Listen to the dialog between Tasneem and Dani. Then, answer the following questions.
١- ليش تَسْنيم مِتْحَمْسة؟
٢- شُو اقْتَـرَح داني عَلى تَـسْنيم؟
٣- ليش تَـسْـنيم ما عَجَبْها اِلاقْـتِـراح؟
٤- ليش داني ما بَدُّه يْرُوح عَالْمَطْعَم الْعَرَبِيّ؟ وشُو حَكَت تَسْنيم عَنِ اِلْخِدْمة هُناك؟
٥- تَسنِيم ما بِدْها تاكُل بِيرْغَـر، ليش؟
٦- شُو كان اِقْتِراح دانِي اِلْأَخِير وشُو كان رَأْي تَسْنيم بْهاد اِلاِقْـتِـراح؟
٧- شو قَرَّر داني وتَسْنيم يِعْمَلوا بِالْأَخير؟
٨- مِين رَح يْروح مَع داني؟
| Grammar: The comparative and superlative forms | اِلقَواعِد: أفْعَل المُقارَنة والتَّفْضِيل |
The comparative form أ. أفْعَـل المُقارَنة
The comparative structure in Levantine Arabic is the same as in Modern Standard Arabic (Fusha) for most adjectives in the patterns of فَعِيل (طَوِيل، رَخيِص) and فاعِل (بارِد، غالي). Study the examples in the table below:
| الأمثلة | أفْعَل المقارَنَة comparison | الصِّفَة | اِسمَعوا |
|---|---|---|---|
| أَنا أَطْوَل مِنْ أَخُوي. | أَطْوَل مِنْ | طَويل | |
| بْرَأْيي، شاوِرما اِلجاج أحْسَن مِن شاوِرْما اِللّحْمَة. | أَحْسَن مِنْ | مْنِيح / كْوَيِّس | |
| اِلسَّكَن بْعَمّان أَغْلى مِنِ اِلسَّكَن بِمَدينِة إِرْبِد. | أَغْلى مِنْ | غالي | |
| اِلْحَياة بِسُوريا أَرْخَص مِن اِلْحَياة بْأَمْريكا. | أَرْخَص مِنْ | رَخِيص |
For adjectives in other patterns (مُبسُوط، زَعلان), simply use أَكثَر مِن with the adjective to form the comparative form.
| الأمثلة | اِسمَعوا |
|---|---|
| .١- اِلمُدِير مَشْغُول أَكثَر مِن اِلمُوَظَّفِين هاي اِلأَيّام | |
| .٢- صاحِبْتِـي مَبْسُوطة أَكْثَر مِن زُوجْها بِالبيت اِلجْدِيد | |
| .٣- وَالله نِحْنا تَعْبانِين أَكْثَر مِنّـك | |
| .٤- اِلأُسْتاذ زَعْلان أَكْثَر مِن اِلطُّلّاب مِنْشان خَلَّص اِلْفَصْل | |
| .٥- يا شَباب، إنْتو جوعانِين أَكْثَر مِنّـي فاطْلُبوا أَكِـل |
The superlative form ب. أفعَل التَّفْضِيل
The superlative form is created in a similar way. When describing something as having the highest or most extreme degree of a quality (such as the best, the biggest, the tallest, etc.), use the “أَفعَل” form by itself. As with the comparative, this applies only to adjectives in the فَعِيل and فاعِل patterns.
| الأمثلة | أفْعَل التّفْضيل والمقارنة | الصِّفَة | اِسمَعوا |
|---|---|---|---|
| هاي أَقْدَم جامْعَة بِالْوِلاية. | أَقْــدَم | قَــديم | |
| أَكْل سِتّـي أَزْكى أَكِل .في العيلة | أَزْكى | زاكي | |
| سامِر أطْوَل طالِب بِالصَّفّ. | أطْوَل | طَوِيل | |
| اِليُوم أّقْصَر يُوم .بِالسَّنة | أَقْصَر | قَصِير |
For all other adjectives, you can use the word أكثر in the following structure: use أكثر + noun + adjective to form the superlative form. Read the following examples closely:
| الأمثلة | اِسمَعوا |
|---|---|
| .١- رْفِيقِي أَكثَر شَخْص مَبْسُوط بْهاي اِلْجامْعَة | |
| .٢- أَبُوها أَكْثَر واحَد مْعَصِّب بِالْبيت | |
| .٣- ماما أَكْثَـر وَحْدَة مِتْـدايقة مِن اِلْمَشاكِل يَلِّي بِنِعْمَلْها | |
| .٤- دانْيَة أَكْثَر شَخْص مِتْحَمِّـس لَعُطْلِة اِلصِّيف |
:تَعْـبِيرات بْنِسْتَخْدِم فِيها أفْعَـل اِلتَّفْضِيل واِلْمُقارَنِة
.ما أغْلى مِنِ الْوَلَد إِلّا وَلَد الْوَلَد
Lit. No one is dearer than a son, except for a son’s son. (This proverb emphasizes the love grandparents have for their grandchildren, which sometimes even surpasses the love for their own children.)
!ما أبْرَد وِجْهَـك
Lit. How cold is your face
!ما أزْنَخ/أثْـقَــل دَمَّك
Lit. How stinky/heavy is your blood (both refer to a person’s unpleasant or annoying behavior.)
!أبْعَدْ مِنِ نْجُوم اِلسَّما
Lit. Further than the stars in the sky (said about something that is out of reach)
أَكْبَر مِنَّـك بْيُوم أَعلَم مِنَّـك بْسَنة
Lit. One day older than you, one year wiser than you. (used to emphasize the importance and wisdom that comes with age)
“.تَمْرين ٥: اِحْكوا مَعَ بَعْض واِوْصفوا كِلّ مِنْ هاي الْحالات واسْتَخْدموا “أفْعَـل التَّـفْضيل
Talk among yourselves and answer the following questions. Be sure to use the comparative form of افعل as much as possible during the discussion.
.١- مَطَعَمك الْمُفَضَّل وليش لازِم تاكْلوا هُنيك
.٢- آخِر كْتاب قَرأتُه/ـيه
.٣- مَدِينْتك واِلمَدِينة اِللِّي عايْشِين فِيها هَلَّق
.٤- إِنْت وأَخُوك/أُخْتك
تَمرين ٦: اِقْرؤُوا هاي الجُمَل مع بعض: واحِد مِنكن مْوافِق والتاني مِش مْوافِق (مْعارِض) وكُل واحَد يِحْكي ليش
Read and discuss the following statements with a partner. For each statement, one person should agree with each the statement, while the other should disagree.
.١- وِلاية ميشِيغان أحْسَن وِلايَة
.٢- اِلأكْل اللّبْنانيّ أزْكَى أكْل في اِلشّرْق اِلأَوْسَط
.٣- اِلعَربِيّ أَسْهَل مِن اِلإنجلِيزِيّ
.٤- اِلدِّراسة عَلى زُوم أحْسَن مِن اِلدّراسة بِالصَّفّ
.٥- مَدِينة تْرافَرْس أَغلَى مَدِينة بِمِيشِيغان
تِمرين ٧: تَرْجِموا هاي الْجُمَل لِلْعامِيِّة الشّامِيِّة باسْتِخْدام التَّـرْكيب الصَّحيح لِلْمُقارَنَة والتَّـفْضيل
Translate the following sentences into Levantine Arabic. Make sure you are correctly forming the appropriate superlatives and comparatives forms.
1. She is more bored than you are because she can’t go out in this weather.
2. This is my brother, Sami, and he is younger than I am.
3. Your family’s car is the most expensive car in this city.
4. This falafel restaurant is tastier than the other restaurants.
5. The teacher is busier these days.
6. Laila feels like she is the happiest woman because she got a scholarship.
7. This café makes the best coffee in the world.
تَمرين ٨: اِبْحَثوا عن الْمَعْـلومات هاي عَلى الإِنْتِـرْنِت وبَعْدين اِعْمَلوا تَسْجيل صوْتي تِحْكوا فِـيه شُو عرِفْـتوا (عن كلّ مَعْـلومَة) باسْتِخْدام التَّـفْضِيل
Search the internet to complete the following section. Afterwards, record yourselves talking about what you learned—make sure you use the superlative form in your recordings.
:مِثال
- The tallest woman in the world.
.أَطْوَل مَرَة بِالْعالَم هِيَّ مِنْ تُرْكيا واسِمْها رُمَيْسة جيلجي وطُولْها 215.16 سم
- Richest Arab person
- Most expensive car
- Coldest country
- Shortest song
- Smallest Arab country
- Tallest building in an Arabic-speaking country
.تَمرين ٩: اِسْمَعوا اِلحِوار بين تسْنيم وداني بِالمَطعَم وبَعدين جاوْبوا عَلى هاي اِلأَسْئِلة
Listen to the dialog between Tasneem and Dani in the restaurant. Then, answer the following questions.
أ. صَح أو خطأ
( _______) .تَسنِيم وداني عِنْدهُم حَجِز لَشَخصين بِالمَطْعَم –
( _______) .تَسْنِيم وداني طَلَبُوا طاوْلة عَالتَّرَس –
(_______ ) .داني نَباتيّ وما بْياكُل لَحْم وجاج –
( _______) .تَسْنِيم رَح تاكُل اِلأَكْل بِالشُّوكة –
ب. اِلأَسْئِلة
١- شُو داني وتَسْنِيم رَح يِشْرَبُوا قَبل اِلأَكْل؟ وشُو اِلمُقَبِلات يَلّي طَلَبُوها دانِي وتَسْنِيم؟
٢- داني عِنْدُه حَساسِيّة مِن شُو؟
٣- شُو اِلوَجْبة يَلّي طَلَبُوها تَسْنِيم وداني؟
.٤- اِبْحَثُوا عَلى اِلاِنْتَرْنِت عَن مُكَوِّنات اِلوَجبة يَلّي طَلَبُوها تَسْنِيم وداني
تَمرين ١٠: اِلمَطْبَخ اِلشّامي فِيه كْثِير أَكْلات طَيْبة ومِتْنَوْعَة، هُون أَكْثَر أَكلات مَشْهُورة بِبِلاداِلشّام، اِخْتارُوا 3 أَكْلات ما جَرَّبْتُوها واِبْحَثُوا عَن هاي اِلمَعْلُومات (فِي الاِنْتَرنِت/يُوتْيُوب)
Levantine restaurants offer a wide variety of delicious dishes. These are some of the most famous ones from the Levant—choose three dishes you haven not tried and research the answers to the following questions:
١- وين مَشْهورين أَكثَر؟
؟Consist of ٢- مِن شُو بْيِتْكَوَّنُوا
٣- هاي اِلأَكْلة نَباتِيّة وِلّا لا؟
٤- مين مُمْكِن ما ياكُل هاي اِلأَكْلات؟
….٥- يَلّي عِنْدُه حَساسِيّة مِن
الثّقافَة: اِلكَرَم واِلضِّيافة بِبِلاد اِلشّام
دَفْع اِلفاتُورة أَو اِلحْساب
Arabic-speaking cultures place a strong emphasis on hospitality. When invited by an Arab friend, it is common for them to insist on paying the bill or covering your share. This gesture is rooted in the cultural value of hospitality and generosity. It is also common for guests to politely decline such offers initially, out of politeness. However, hosts may persist in their insistence to pay, and it is generally considered acceptable for guests to eventually accept the host’s generosity.
These are some common phrases used to negotiating paying the bill:
| It’s on me | عَـ/عَلى حْسابِي |
| Leave it “paying the bill” for me | خَلِّيها عَلَيّ |
| Next time, it’s on me | اِلمَرّة اِلجاية عَلَيّ |
تَمرين ١١: تْفَرَّجُوا عَلى فِيديو “بَث بَياخَة – اِلفاتُورَة” اِعمَلُوا حِوار مَع زَمِيل/ة فِي مَطْعَم وساوْمُوا بَعْض عَلى دَفْع اِلفاتُورَة. اِستَخدِمُوا اِلتّعبِيرات اِللّي تْعَلَّمْتُوها فِي اِلثّقافة وسْمِعْتُوها بِفِيديو “بَث بَياخَة – اِلفاتُورَة
Watch the video (Bath Bayakhah – The Bill). Afterward, write a dialog with a partner in which you both eat at a restaurant and then negotiate who will pay the bill. Be sure to use the vocabulary and expressions you learned on the “Culture Note” and those you heard in the video.
.تَمرين ١٢: اِقْرؤوا هاي اِلمِنيو وبَعْدين اِعْمَلَوا حِوار مَع بَعْض في مَطعَم بْتِطْلُبُوا أَكْل
Read the following menu. Then, write a dialog in which you order food at a restaurant.
تَمرين ١٣: في “غوغل مابس” دَورُوا عَمَطْعَم بِبِلاد اِلشّام بِتْحِبُّوا تْجَرْبُوه وشُوفوا اِلمِنيو تاعْتُه، كُونُوا جاهْزين لَتِحْكوا بِالصَّف عَن هاي اِلمَعلُومات
Search on “Google Maps” for a restaurant in the Levant region that you would like to try someday. Find the restaurant’s menu and be ready to present to the class about your responses to the following questions:
١. اِسْم اِلمَطعَم وين هُوَّ؟
٢. ليش اِختَرت هاد اِلمَطْعَم؟
٣. شُو اِلأَكْلات يَلّي عَنْدهُم؟ make sure to download and submit their menu
٤. كِيف اِلأَسْعار فِيه بِعُمْلة اِلبَلَد وبِالدُّولار الأَمْرِيكي؟
٥. إِذا بِتْرُوح هُنيك شُو رَح تِطْلُب/ي؟
٦ . شُو حَكُوا اِلنّاس بِالتَّقْيِيمات عَن هاد اِلمَطْعَم؟
.تَمرين ١٤: اِسْمَعوا حِوار “بين نادين وشادي وهُدى شافو بَعْض في الشارِع” وبَعْدين جاوْبوا عَلى هاي اِلأَسْئِلة
Listen to the dialogue between Nadine, Shadi and Huda, who met each other on the street. Then, answer the following questions.
:أ. تَعْبِيرات مُفِيدة
| المعَنى بالإنجليزي | التعبيرات | اِسمَعوا |
|---|---|---|
| My mouth is watering | سالِت رْيالْتـي | |
| I will eat anything. Lit. I eat the green and the dry | باكُل الأَخضَر واِليابِس | |
| To overeat Lit. The food came out of my eyes | طِلِع اِلأَكْل مِنْ !عْيُونِي |
:ب. اِلأَسئِلة
١- شُو اِسْم اِلْمَطْعَم اِللّي أَكَل فِيه شادِي ونادِين؟
٢- مين اِللِّي بِيحِب اِلْمَطْعَم كْثِير، نادِين وِلّا شادِي؟
٣- شُو أَكَل شادِي وشُو أَكَلِت نادِين؟
٤- ليش نادِين ما حَبِّت اِلكِبّة؟
٥- شُو اِللّي بْيِعْجِب نادِين بْهاد اِلْمَطْعَم؟
٦- مِين يَلّي دَفَع اِلْحْساب؟
تَمرين ١٥: تْفَــرَّجُوا عَلى فِيديو (أحْسَن اِلْمَطاعِم فِي عَمّان) وجاوْبُوا عَلى اِلْأَسْئِـلَة بْتَسْجِيل صَوْتي
Watch the video “Best Restaurants in Amman”, then make a voice recording answering the following questions.
أ. مُفْرَدات وعِبارات مُفِيدة
| to gain weight :تِخِن – يِتْخَن | competition :مُسابَقَة -ــات |
| to eat dessert :تْحَلَّى – يِتْحَلَّى | diet :رجيم |
| to overlook (an area) :طَلّ – يْطِلّ (عَـ/عَلى) | to evaluate. :قَيَّم – بِقَيِّم – تَقْيِيم |
| episode :حَلْقة ج. ـات | branch :فِرِع ج. فُرُوع |
:ب. الِأَسْئِلة
١- اِحْكوا سَبَبِين ليِش برَأْي هَيْفا لازِم تَاكْلوا بَمطْعَم”شَمْس اِلْبَلَد”؟
٢- شُو اِلأَكْلات اِللَّي بْيقَـدِّمْها مَطْعَم “أَبُو جْبارَة”؟
٣- وين أَحْسَن مَكان تاكُل فِيه “مَنْسَف” برَأْي هَـيْفا؟
٤- ليش هَـيْفا جَرَّبَت أَكْثَـر مِن مَطْعَم شاوَرْما بْعَمّان؟
٥- شو الْحَلَوِيّات اِللّي جَرَّبَتْها هَـيفا؟
٦- شُو اَلْأَكْلات اِللِّي شُفْـتُوها بِالْفِيديو وبِتْحِبّوا تْجَرّبُوها؟
تَمرين ١٦: اِعمَلوا حِوار مَع زَميلكُم/زَميلِتكُم واِسْتَخدِموا فِيه أَكْثَر عَدَد مِن اِلمُفردات واِلعِبارات اِلجْديدة مِن اِلدَّرس
Create a dialogue with your partner using the new expressions and vocabulary learned in this lesson.
لَعِــب الِأَدْوار
| In groups of 4 or 5: You and your friends are visiting an Arab restaurant, but everyone has a different issue: – One person is vegetarian, but most of the dishes contain meat and chicken! – One person’s food is cold. – One person has a nut allergy, but their salad contains nuts. – One person doesn’t like the food they ordered. – One person wants to pay the entire bill. – There is a juice on the bill, but no one ordered it. Create a dialog set in a restaurant where each person discusses their issue with the waiter. | بْمَجْمُوعات مِن ٤ أوْ ٥: إنْت ورِقْـفاتك رُحْتوا على مَطْعَم عَرَبِيّ بَس كِلّ حَدا :عَنْدُه مِشِكْلة واحد/ة نَباتِيّ/ـة، بَس مُعْظَمِ اِلْوَجَبات .فِيها لَحْمة وجَاج . اِلْوَجْبَة يَلِّي طَلَبْتْها/ طَلَبْتيها بارْدة عَنْدَك حَساسِيِّة مِنِ اِلْمُكَسَّرات بَسّ .سَلَطَتـك فِيها مُكَسَّرات .ما عَجَبك طَعْمِ اِلْأَكْلَة يَلِّي طَلَبْتها في عَصِير بِالِحْساب وإنْت ما طَلَبِت .عَصِير .واحد مِنْكُم بَدُّه يِدْفَع اِلْفاتُورَة اِعْمَلوا حِوار بِالْمَطْعَم مَعَ الْجَرْسون .واِحْكولُه عَن مَشاكِلْكُن |