اِلْوِحدة اِلثّالثة – اِلدّرس اِلثّاني

شو تخَصُّصك؟ ?What is your major

اِلمُفرَدات والعِبارات

اِسمَعوا هاي اِلمُفردات واِلعِبارات واِدرُسوها:

Listen to and study the following vocabulary and expressions.

أمثِلة	المعنى بالانجليزي	الكلمة أو العبارة	اِسمَعوا
اِبْني هَـلَّق بِالبَكالوريا وبَعْد سَنَة رَح يْصير بِالجامْعَة.	last year of high school	اِلبَكالوريا / اِلتَّوجيهي
إِخْتي كانَت بْتِحْلَم تْصير مُهندِسة مِن لَمّا كانَت صْغيرة.	to become	صار- يْصير*
مُهِمّ إِنَّك تْكون مَبْسوط بْتَخَصُّصَك أَو ما رَحْ تِنْجَح.	(it is) important (that)	مُهِمّ (ـة) -إنّ
كُل رِفْـقاتي تْخَصَّصوا بِإدارة اِلْأَعْمال.	to specialize; major (in)	تْخَصَّص – يِتْخَصّص (بـ)
ليش اِخْتَرْت هَيدا التَّخَصُّص؟	to choose	اِخْتار – يِخْتار – اِلاخْتِيار
كَم مادّة رَح تاخْذي اِلفَصِل اِلجاي يا نادْية؟	subject(s)	مادّة ج. مَواد
هَيدا الفَصِل ما أخَذْت مَواد اِخْتِيارِيّة، كُل مَوادي إِجبارِيّة.	mandatory # optional (e.g. core vs. elective classes)	إِجباري (ـة) ≠  اِخْتِياري (ـة)
بدّي أَتْخَصَّص بِمَجال اِلإِعْلام Media.	Field; area of specialization	مَجال ج. -ات
بَحْلَم يْكون عنْدي بيت كْبير.	to dream	حِلِم – يِحْلَم – الحُلْم (بـ)
كَم سنة خِبْرَة عندك؟	experience	خِبْرَة ج. ات
إِخْتي بْتِتْدَرَّب بِمُسْتَشْفى اِلجامْعة ورَح تْصير دِكْتورة بَعد اِلتَّدْريب.	to train / practice (intransitive)	تْدَرَّب – يِتْدَرَّب – تَدريب (عَ/على)
أَنا خِرّيج هَيدا اِلفَصِل ورَح أعْمَل حَـفْـلة بَعْد اِلتَّخَـرُّج.	to graduate; be a graduate of; or a soon to be a graduated student	تْخَرَّج – يِتْخَرَّج – اِلتَّخَرُّج (مِن) خِرّيج (ـة)
شُغْلي في مَجال اِلتَّرْجَمة.	work; job	شُغْــل
أَخَذْت مِنْحة مِنْشان أَدْرُس اِلعَرَبي في اِلأُرْدُن.	scholarship	مِنْحَة ج. مِنَح
بدّها شْوَيّة وَقْت حَتّى تِرجَع عَالبيت.	a little bit of …, some …	شْوَيّة …
شو اِلتَّخَصُّصات اِلمَطْلوبة هَالأَيّام؟	in demand, required	مَطْلوب/ـة
دَرَسْنا بالتَّوْجيهي العُلوم مِثِل عِلْم اِلكيميا(ء) وعِلْم اِلفيزْيا(ء).	science	عِلْم ج. عُلوم
لَمّا أَنا وإِخْواتي نِنْجَح بالامْتِحانات حَنِعْمَل حَفْلة كْبيرة.	to succeed, pass an exam (in)	نِجِح – يِنجَح – النَّجاح (بـ)

التعبيرات

on the contrary, the opposite	بِالعَكْس
at least	عَلى/عَالأَقَل – عَلى/عَالقَليلة
most likely	بالْغالِب – عَلى/عَالأغْـلَب
– Good luck! – Response: Thanks!	– بِالتَّـوْفيق! الرّد: شُكراً! – يِسلَموا – إلك كَمان!

تمرين ١: ترجموا للانجليزيّ جمل المفردات يلي بقائمة “اِلمُفرَدات واِلعِبارات”.

Translate into English the sentences included in the vocabulary table “اِلمُفرَدات واِلعِبارات”.

تمرين ٢: عبّوا الفراغات بالكلمة أو العبارة المناسبة من بين الأقواس.

Fill in each blank with the appropriate word or expression from the words between parentheses.

(experience – practice – to succeed – important – field – Good Luck – on the contrary – to choose – to become – to dream)

أحمد: اِلصَّفّ صَعْب عَليك؟  كَريم: __________، الصَّفّ سَهْل كْثير. -١

٢- يا هالَة، اِبنِك أَحْمَد كان طِفِـل صْغير لَمّا شُفْتُه آخِر مَرَّة، وهَلَّق ماشالله _________ شَب.

لازِم تِدْرُس لُغات! اِللُّغات _________ إِذا بدَّك تْسافِر أَو تْصير مُتَرْجِم. -٣

بْطُفولْتي، كُنْت __________ أَصير ضابِط. -٤

فاطمة: عنْدي مُقابَلة اِليوم.  ماما: __________ حَبيبتي إِن شالله. -٥

٦- لازِم يْكون عنْدَك عَالأَقَل ثَلَث سْنين __________ مِنْشان يِخْتاروك لَهاي اِلوَظْيفة.

٧- اِتْخَصَّصْت بِاللُّغة اِلعَرَبِيّة لِأَنُّه بدّي يْكون شُغْـلي بـِ __________ تَدْريس اِللُّغة.

لازِم أَدْرُس كْثير مِنْشان ___________ بِصفّ اِلشّامي. –٨

٩- بَحِبّ مَجال اِلهَنْدَسة وعُلوم اِلكُمْبيوتَر واِلاِلِكتْرونِيّات، وما بَعْرِف أيّ تَخَصُّص بدّي _________ عَشان اِلدِّراسة بِالجامْعة.

اِلطُّلّاب بِعْرَفوا اِللُّغة اِلعَرَبيّة مْنيح. بَس بِدْهُم شْوَيّة __________ عَالْحَكْي. -١٠

* تعلّموا معاني الفعل (صار – يْصير):

The verb (صار – يْصير) has different meanings in Levantine Arabic. Study the different meanings in the following able:

خَيّي بَدّه يْصير دُكْتور. صار اِلجَو بَرِد كْثير بِاللّيل.		To become
صار مَشاكِل بين اِلكِنّة وحَماتْها. شو صار مَعك بِالمُستشفى؟		To happen /occur
صارلُهنْ ساكنين بْأَمْيرْكا سَبع سْنين. إِمّي صارِلْها شَهْر مْسافَرَة.		Have/has been (period) صار لـ + ضمير
صاروا يِركُضوا كِل صُبْح. اِلإِستاذة صارِت تْحِبّ اِلشكولاتة بَعْد ما زارِت سْويسرا. صار عَندي خِبرة بِمجال بَرْمَجة اِلكًمبْيوتَر.		To start/begin

تمرين ٣: اكتبوا جملتين لكل معنى من معاني الفعل (صار – يصير) وبعدين سجلوهم بصوتكم.

Write two sentences for each meaning of the verb (صار – يْصير), and then record the sentences in your own voice.

تمرين ٤: في مجموعات، ترجموا الجمل باستخدام الفعل (صار – يْصير).

In groups, translate the following sentences using the verb (صار – يْصير).

1. I started eating fruits and vegetables every day.
2. We started to have some experience in economics.
3. My maternal uncle became a doctor in the university’s hospital.
4. The accident occurred/happened yesterday.
5. The students have been in class for two hours.
6. She started to know how to play the guitar. (She now knows how to play the guitar)

تمرين ٥:  اِسمَعوا اِلحِوار بين مْحَمّد وغادَة واِكْتُبوا اِلمَعلومات اِلمَطلوبة عَن كُل شَخْص. 

Listen to the dialogue between Mohamed and Ghada and write down the information requested about each person.

شو اِلعَلاقة اِلعائِلِيّة بين غادة واِبراهيم وبين غادة ويوسِف؟ -١

مين رَح تْزور غادة بِالمَسا؟ -٢

شو بْيِدرُس اِبْن وبِنْت يوسف؟ -٣

أَوْلاد اِبْراهيم بْيِدْرُسوا بِالجامعة؟ وين بْيِدْرُسوا؟ -٤

القواعد: الأعداد الترتيبيّة (1-12) Ordinal Numbers

اسمعوا واقرؤوا الأعداد الترتيبيّة يلّي بالجدول.

Listen and read the ordinal numbers listed in the following table.

To derive ordinal numbers (first, second, third, etc.) from the cardinal numbers (one, two, three, etc.), place the جذر of the cardinal number into وزن فاعِل. For example, the جذر  of خمسة  is خ م س, so it becomes خامِس.  The only exception is number one whose ordinal numbers is أوّل for masculine and أوْلى  for feminine.

بالانجليزيّ English equivalent	الأعداد الترتيبية (مؤنَّث) (Feminine)	الأعداد الترتيبية (مذكَّر)  (Masculine)	الرقم بالعربي Arabic Numeral
First	اِلأُوْلى	اِلأَوَّل	١
Second	اِلثّانْية	اِلثّاني	٢
Third	اِلثّالْثة	اِلثّالِث	٣
Fourth	اِلرّابْعَة	اِلرّابِع	٤
Fifth	اِلخامْسة	اِلخامِس	٥
Sixth	اِلسّادْسة	اِلسّادِس	٦
Seventh	اِلسّابْعَة	اِلسّابِع	٧
Eighth	اِلثّامْنة	اِلثّامِن	٨
Ninth	اِلتّاسْعَة	اِلتّاسِع	٩
Tenth	اِلعاشْرَة	اِلعاشِر	١٠
Eleventh	الحادية عَشرة	اِلحدعشَر	١١
Twelfth	الثّانية عَشرة	الثعشَر	١٢

The ordinal numbers can also be used as adjectives or as the first word of an idaafa:

1- When used as adjectives, ordinal numbers agree with the nouns they modify in both definiteness and gender.

المؤنث		المذكر
أنا بالسّنة الأوْلى بِالجامْعة		أَخوي الصّغير بِالصَّف اِلأَوَّل بِالمَدْرسة اِلاِبْتِدائِيّة.
اِلفَرَنسيّ هي لُغَتي الثّانية.		بيتي هُوَّ اِلبيت الثّالِث بْهاد اِلشّارِع.

2- When used as the first word of an idaafa, these words are always in the masculine form, regardless of the noun that follows.

This is the fifth book I read.	هاد خاِمس كْتاب بَقْــرأُه.*
This is the first time I travel to France.	هاي أَوَّل مَرَّة بَسافِــر عَـفَــرنسا.

* Note that the definite article الـ is not used when the ordinal numeral precedes a noun, as in خامس كتاب and أوّل مرة. It is also important to remember that خامِس and أوّل in these examples are the first terms of إضافة, which should be free of the definite article الـ.

تمرين ٦: عَبّوا الفَراغات بالأَعداد التَّرتيبيّة اِلمَطلوبة.

Fill in the blanks with the appropriate ordinal numbers.

١- أَخوي بِالصَّفّ ___________   (3^rd)بِالمَدْرَسة اِلاِبْتِدائِيّة. وأُخْتي بِالصَّفّ ___________ (8^th)  بِالمَدْرَسة اِلإِعْدادِيّة.

٢- أَنا بَدْرُس بِالسَّنة ___________ (1^st)  بِالجامْعة وإِلي رِفْقات بْيِدْرُسوا بِالسَّنة ___________ (2^nd) و___________ (3^rd).

٣- هاي _________  (1^st) مَرّة بِتْسافِر عَلِبْنان؟

٤ – هاي مو _________ (1^st) سَيّارة إِلي. هاي السَّيّارة ___________(2^nd) .

٥- لَو سَمَحْت، جاوِب عَالسُّؤال _________ (5^th).

تمرين ٧: أسئلة للدردشة

١- كنْت بِتْحِبّ(ي) صْفوفك بِالتَّوجيهي/البَكالوريا؟ شو كنْت بْتِدْرُس(ي)؟

٢- دَرَسِت لُغة أَجْنَبِيّة بِالبَكالوريا أَو بِالمَدْرَسة اِلإِعْداديّة Middle school؟  أَيّ لُغات دَرَسْت؟

٣- شو كنْت بْتِحْلَم(ي) تْصير(ي) بْطفولْتــك؟ هَلَّق شو رَح تِعْمَـل(ي) بَعد ما تِتْخَرَّج(ي)؟

٤- ايش بْتِدْرُس (ي)؟ ليش اِخْتَـرْت هاد التّخَصُّص؟

٥- شو اِلمَواد يَلّي بْتاخُذها/بْتاخْذيها هاد الفَصْل؟ هاي اِلمَواد إِجْبارِيّة وِلّا اِخْتِـيارِيّة؟

٦- إِلك إِخْوان أَو قَــرايب تْخَرَّجوا مِن اِلجامْعَة؟ شو كانَت تَخَصُّصاتْهُم؟

٧- شو اِلأَشيا(ء) اِلمُهِمّة لَكُل طالِب لَحَتّى يِنْجَح بِالصّفوف؟

٨- في أَي مَجال بدّك تِشْتغل/ي بَعْد اِلتَّخَرُّج؟

٩- بْرَأَيك تَخَصُّصك مَطْلوب وإِلُه شُغْـل وِلّا لا؟ وليش؟ شو هِيَّ اِلتَّخَصُّصات اِلمَطْلوبة بِأمْريكا؟

١٠- شو أَهَمّ اِلمِنَح لَلطُّلاب بِأَمْريكا؟ وكيف هاي اِلمِنَح بِتْساعِـد اِلطُّلّاب؟

أسئلة إضافية

١- عَمَلْت/ي تَدْريب بِمَجال تَخُصُّصك؟ إِذا لا، بدّك تِعْمَل/ي تَدْريب؟ ليش اِلتَّـدريب مُهِمّ؟

٢- بْرَأيك، لازِم اِلطّالِب يِخْتار تَخَصُّص مَطْلوب بْسوق اِلعَمَل labor market وِلّا لازِم يِخْتار اِلتَّخَصُّص اِللّي بيحِبُه؟ ليش؟

القواعد 2: أَكثَر عَن اِلفِعل اِلمُضارِع   More about the present tense

1. Remember that in Levantine Arabic, verbs in the present tense use the بـ prefix (بيدرُس “He studies”). Verbs used with the بـ prefix can also be used to express habitual or regularly occurring actions as shown in the following examples:

أمثلة 

١- نِحْنا بِنْسافِر عَلى بَيروت كِل سِنْتين.
٢- قَرايِـبـيـنا بيزورونا في اِلأَعْياد.
٣- خالي بِشتَغِل أُستاذ بِالجامْعة.
٤- ليش ما بْتييجي عَالجيم مَعْنا؟

2. When adding the prefix “بـ” to the present tense المضارع for the 1^st person singular أنا, the prefix “ أ ” is dropped, and replaced with a fatHa on the بـ such as أَسافِر←  بَسافر

3. The prefix بـ is dropped when the present tense verb is preceded by words such as:

اِلمَفروض supposed to	رَح / ح	لازم	بِدّي	مُمكِن
	فيني	بَعد ما	قَبل ما	منشان/عشان

أمثلة

١- بدها تْروح عَالأُرْدُن مِنْشان تْزور عيلِتها.
٢- مُمْكِن نْروح عَالحَفلة مَع بَعْض؟
٣- لازِم تْيجي بَكّير.
٤- بِنْحِبّ نْروح عَالسينَما.

4. The بـ prefix is also dropped whenever a present tense is preceded by another verb. For example: “بَحب أَروح عَلى…”, “ما بَقدَر آجي” , etc.

أمثلة

١- ما بْتِـقْـدَر تْيجي هَلَّق؟
٢- بِتْحِبّوا تاكلوا بِالمَطْعَم وِلّا بِالبيت؟
٣- ما بَعْرِف أَلعَب طابة.

In some areas of the Levant—particularly in Syria and Lebanon—speakers often drop the initial (أ) of hollow* and doubled** first person singular verbs. Whenever they are preceded by ممكن، بد، عم، منشان،  or ,لازم  they are pronounced without the initial (أ) sound.

اللّهجة الأردنيّة والفلسطينيّة	اِسمَعوا	اللّهجة السوريّة واللّبنانيّة	اِسمَعوا
مَمْكِن أَزور رِفْقاتي.		مُمْكِن زور رِفْقاتي.
لازِم أَشوفَك اِليوم.		لازِم شوفَك اِليوم.
بِدّي أَروح عَالجامْعة اِليوم.		بَدّي رْوح عَالجامْعة اِليوم.
لازِم أَحُطّ الأَكِل عَالنّار.		لازِم حِطّ الأَكِل عَالنّار.
لازِم أَرُدّ عَالإيميل.		لازِم رِدّ عَالإيميل.

This is also the case when hollow verbs are preceded by another verb:

اللّهجة الأردنيّة والفلسطينيّة	اِسمَعوا Listen	اللّهجة السوريّة واللّبنانيّة	اِسمَعوا Listen
بَحِبّ أَروح عَالحَفْلات.		.بْحِبّ روح عَالحَفْلات
ما بَــقْــدَر أَزور جِدّي كْثير.		ما بَــقْــدَر زور جِدّو كْثير.

* Hollow verbs refer to verbs whose second letter of the root is a long vowel such as أَروح، أَزور، أَنام

** Doubled verbs contain a shaddah on the final letter, such as أَحِبّ, أَرُدّ (I respond), and أَحُطّ (I put).

تمرين ٨: عبّوا الفراغات بتصريف الفعل المضارع الصحيح (من الأفعال).

Fill in the blanks with the correct present tense conjugation of the following verbs.

(يخَيِّم – يَعْطي – ييجي– يِعْرِّف – يْزور – يْسافِر – يِسكُن – يِدرُس)

اِحْنا بدْنا _________ عـيلتْـــنا بديربورن بنِهاية الأسبوع. -١

يا هِبة، ايمْتى رَح __________ني عَلى رْفيقْـــتِك اِلجْديدة؟ -٢

أَنا __________ عَلى اِلأُردُن مَرْتين بِالسّنة: مَرَّة بِالصّيف ومَرَّة بِالشِّتا(ء). -٣

ماما بدْها __________ أُخْتي هْدِيّة حِلْوة كْثير بْعيد ميلادْها. -٤

خالي _________ بِبيت حِلْو كْثير بِشيكاغو. -٥

رِفْقاتي __________ لَلاِمْتِحان بِالمَكْتَبة، بَسّ أَنا بحِبّ _________ بِالبيت. -٦

بِالإجازة إِنتو رَح تْناموا بْفُنْدق وِلّا رَح ___________؟ –٧

تمرين ٩: أسئلة الدردشة

وين بِتْسافر/ي مَع عيلْتك؟ وشو بْتِعْمَلوا؟ -١

مين بِتْزور/ي في اِلويك إِند؟ بْتِقْدَر/ي تْزور/ي كْثْير مِن قَرايْبك؟ ليش؟ -٢

شو بْيِعْمَلوا قَرايْبك مَع بعض لَمّا بْيِلتَـقوا بِالعُطْلَة؟ -٣

بْتَعْطي هَدايا لَإِخْوانك؟ ايمْتى؟ -٤

وين بدّك تْروح/ي اِليوم بَعْد اِلصَّفّ؟ -٥

٦- وين بِتْحبّ/ي تِدرُس/ي بَعد الصّفوف؟ بِتْحِبّ/ي تِدْرُس/ي مَع زملاءك أو زميلاتك؟

٧- بتِتْعَرّف/ي عَلى رِفقْات جُدُد بالجامْعة؟ شو أسْماءهُن؟ وين بِتْروح مَعَهُن؟

الثقافة: البكالوريا/ التوجيهي

 التّوجيهي or البكالوريا exams are standardized national assessments that encompass a wide array of subjects, including languages, sciences, mathematics, and humanities. Success in these exams is paramount as it determines students’ eligibility for higher education institutions locally and internationally, with high scores opening doors to prestigious universities and scholarships. Competitive fields like medicine, engineering, and law require particularly high scores for entry.

The high school systems in Lebanon, Syria, Jordan, and Palestine differ significantly from those in the United States. In the US, students complete a series of coursework and standardized tests, such as the SAT or ACT, which contribute to their college applications. However, university admissions in the US are generally more holistic, considering extracurricular activities, personal statements, and recommendation letters alongside test scores. In contrast, the البكالوريا and التوجيهي exams are the primary determinants of university eligibility and field of study in the Levant, placing a much greater emphasis on these final exams.

The outcome of these exams is celebrated within the community. High-achieving students are often publicly acknowledged and celebrated, while their success can enhance the family’s social status. Conversely, the pressure to perform well can lead to significant stress and anxiety, highlighting the need for supportive and balanced approaches to education.

تمرين ١٠: أسئِلة دَردَشة ثَقافِيّة

ملاحظة: اِحْكوا عَن بَلَدكم إِذا إِنتو مو مِن أَمْريكا.

شو بتِعْرَف/ي عَن التَّعْليم بِبلاد الشّام (بِالمَدْرَسة وبِالجامْعة)؟ –١

شو الاِخْتِلافات differences والتَّشابُهات  similaritiesبين نِظام التَّعْليم بِسوريا أَوْ بِبلاد الشّام ونظام التَّعْليم بِأَمِريكا؟ -٢

بِرَأْيَك شو أَحْسَن: نِظام التَعْليم بِسوريا أو بِأَمِريكا؟ -٣

شو مُمْكِن يِتْغَيَّر change بِالتَّعليم بِبلاد الشّام وبِأَمِريكا مِنْشان يِصير أَحْسَن؟ -٤

التَّعْليم مُهِمّ بِالنِّسْبة لِعيلْتك؟ وليش؟ -٥

تمرين ١١: فيديو (رعب التوجيهي)

أ- اِدرسوا هاي المفردات منشان رح تسمعوها بالفيديو.

المعنى	المفردة أو العبارة
Horror	رُعُب
Free, unoccupied	فاضي (ة)
Nonsense	حَكي فاضي
Used to express present continuous (What are you doing?)	عَم + فعل مضارع (ايش عَم تِعْمَل؟)
Boogeyman	البُعبُع
To advice (advice)	نَصَح – بينْصَح (نصيحة ج. نصائح)
Be careful, watchout	دير بالَك
Result(s)	نَتيجة ج. نَتائِج/نتايِج
GPA	مُعَدَّل

ج- اقرؤوا وناقشوا هاي الكاريكاتيرات.

تمرين ١٢: تفرّجوا على الفيديو عن نظام التعليم في سوريا بعنوان Division of Grade Levels وبَعْدين عبّوا الفراغات بالمعلومات الصحيحة يلّي سمعتوها بالفيديو.

Listen to the video about the Education System in Syria on the following link, then fill in the blanks with the correct information that you heard in the video. The title of the video is “Division of Grade Levels”.  

١-  المَرْحَلة الِابْتِدائِيّة مِن الصَّف الأَوَّل لِلصَّف _________.

٢- المَرْحَلة الإعْدادِيّة مِن الصَّف __________ لِلصَّف ___________.

٣- المَرْحَلة الثّانَوِيّة مِن الصَّف ___________  لِلصَّف ___________ يَلّي نِحْنا بِنْسَمّيه ___________.

٤- بِالمَدْرَسة الِابْتِدائِيّة والإِعْدادِيّة، الطُّلاب بيِتْعَلِّموا المَواد العِلْمِيّة مِثل  ________ و_________ و_________ والمَواد الأَدَبِيّة مِثل _________ و__________ و__________.

٥- بِالصَّف التاسِع الطُّلاب بياخدوا _________ دَوْلة/عامّ ، وبَعد هالِامْتحان الطُّلاب بِيْروحوا يا إِمّا عَلى ____________ يا إِمّا ___________ أو __________ والمَدْرَسة بتِعْتِمِد عَلى العَلامات.

٦- الطُّلاب بِالصَّف الحادي عَشر بيِخْتاروا تَخَصُّص يا إِمّا بيْروحوا عَلى _______  ______ أو عَلى ________  _______.

٧- باِلبَكالوريا بِيْكون في اِمْتِحان عام وهذا الامْتِحان بيحدِّد شو الطُّلّاب رَح يدْرُسوا بِالجامْعات. فَلو كانِتْ علامِتْهم جَيِّدة بِيروحوا مَثْلاً  عَلى _________ أو________ أو ___________.

بَعْد ما عْرِفْتوا مَعناها اِسْتَخْدِموها بْجُمِلْتين. سُؤال إضافي: شو بتفَكّروا معنى هاي العبارة ( يا إما …. أو / يا إما ….)؟

تمرين ١٣: اِعمَلوا حِوار مَع بَعض واِستَخدِموا فيه أَكثَر عَدد مِن اِلمُفردات واِلعِبارات اِلجْديدة مِن اِلدَّرس.

Create a dialogue with your classmate using the new expressions and vocabulary learned in this lesson.

لَعِـب الأَدوار

You are an international student from a Levant country studying in the U.S. Your roommate is an American student. You both begin discussing your education, comparing high school experiences, your current fields of study, and the influence of your families on your academic decisions. Remember to use the relevant vocabulary and cultural expressions we have learned in this lesson.

اِنْتَ طالِب دَوْلي بِجامْعة أَمْريكِيّة واِجيت مِن بِلاد الشّام. زِميلك/زِميلتك بِالغُرفة أَمْريكيّ/ـة. بَعد ما تقابِلْتوا بَلَّشْتوا تِحْكوا عَن كيف كانِت دِراسِتْكُم بِالمَدْرَسة الثّانَوِيّة وشو بتِدْرُسوا هَلَّق وكيف عيلاتْكُم أَثَّرَت عَقَراراتْكُم بِاِخْتِيار تَخَصُّصْكُم؟ تْأَكَدّوا تِستَخْدِموا المُفْردات والتَّعْبيرات يَلّي تعَلَّمْتوها بِالدَّرس.

تمرين ١٤:  اسمعوا الحوار بين فادي وسالي وجاوبوا عالأسئلة.

Listen to the dialogue between Fady and Sally and answer the following questions.

تمرين ١٥: اِسْمَعوا حِوار “ليش اخترت هاد التخصّص؟” وجاوبوا عَلى الأسئلة.

Listen to their dialogue and answer the following questions.

ministry of foreign affairs

وِزارة اِلخارِجيّة

أسئلة الفهم

١- كيف تعَرَّفوا جَواد وأَيْمَن عَلى بَعْض؟

٢- في أَيِّ سَنة بِالْجامْعة جَواد وَأَيْمَن؟

٣- بشو جَواد بَدُّه يِتْخَصَّص؟ وليش اِخْتار هاد التَّخَصُّص؟

٤- شو لازِم يِعمل مِنْشان يِشْتَغل بِـوِزارة اِلخارجِيّة؟

٥- ايش كان بْيِعْمل بِالصّيف اِلماضي؟

٦- شو بيدرُس أَيْمَن وبشو بدُّه يِتْخَصَّص؟

تمرين ١٦: استعدوا للحكي بالصّفّ عن أصحاب “عُمَر” من طفولته حسب المعلومات الموجودة على الصورة. بتقديمكم، احكوا وين كانوا عايشين وشو بيدرسوا هلّق ومين بيشتغل منهم وشو بيشتغل؟

Come to class prepared to talk about Omar’s childhood friends from the following picture using the information provided. Introduce Omar’s friends and talk about where they used to live, their occupations, or their education.

تمرين ١٧: اِحْكوا عَن رِفْقاتكن مِن لمّا كنْتوا صْغار، وين عايشين هَلَّق وشو بْيِدْرُسوا.

Talk about your childhood friends. Tell your classmates where your childhood friends live now and what they are studying.

تمرين ١٨: عَبّوا الفراغات مع زملاءكم بمعلومات عن دراستكم وشغلكم في الجدول التالي. ومثّلوا مقابلة بين طالب بدّه يحصّل فرصة للتّدريب ومدير في شركة. اِكتبوا المعلومات عَن زَمايلكم وشاركوها مَع زُملا(ء) ثانيين.

Fill in the blanks with information about your study and work. In pairs, play the roles of an internship applicant and a hiring manager in a job interview, then switch roles. Take notes during the interview on how your classmate responds to the interview questions and discuss the responses with your classmates.

أنا طالب(ـة) بجامعة …………… بكلِّية ………. ومتْخَصّص(ـة) بـ…………………	١- وين بْتدرس/ي يا استاذ(ة) …………….؟ وشو تَخَصُّصك؟
اِخْتَرْتُه لِأَنّي بَحْلَم  ………………………….. ولأنّه تَخْصُّص ……………. بِسوق اِلعَمَل labor market.	٢- وليش اِخْتَرت/ي هاد التّخَصُّص؟
…………………………………………….	٣- ومَبْسوط (ـة) بِـدِراسْتك؟
رَح أَتْخَرَّج بَعد ………………………………	٤- ايمْتى رَح تِتْخَرّج/ـي؟
……………………………………………	٥- في أَيّ مَجال بِتْحِبّ/ي تِتْدَرَّب/ي؟
إيه، تْدَرَّبْت مِن قَبل بِـ ……………………….	٦- عنْدك خِبرة بِهاد اِلمَجال أَو تْدَرَّبْت/ي مِن قَبل؟
بدّي أَتْدَرَّب بِشِركِتْكُم لِأَنّها …………………….. …………….. بِمجال اِلـ…………. ولِأَنّي سْمِعِت عَنها كْثير مِن زُمَلا(ء) وأَساتْذة إِلي.	٧- طيِّب، ليش بدّك تِتْدَرَّب/ي بِشِرْكِتْنا؟
– إيه، دَرَسْت فُصْحى بِالجامْعة. وْبِحكي شامي بَس بدّي شْويّة تَدْريب عَالْحَكْي.	٨- بْتِعْرَف/ي تِحكي عَربي.
شكراً، ايمْتى مُمْكِن تخَبّروني إن شا(ء) الله؟	٩- طيّب يا استاذ(ة) …… تْشَرّفنا كْثير … وإِن شا(ء) الله خير.
إن شا(ء) الله. طَيِّب … بِالإِذِن!	١٠- يَعني بَعد أَسبوع إن شا(ء) الله.
	إِذنك مَعك. مَع اِلسَّلامة. –١١

 تمرين ١٩: تفرّجوا على فيديو “ليش اخترت تخصّصك؟” واكتبوا شو بيدرسوا الطلاب وأسباب اختيارهم لتخصّصهم.

Watch the video and write what each student studied and why they chose their majors.

مفردات مُهمّة

Good at/ talented

شاطِر(ة) بـ

Combine between

جَمع بين

سَبَب اِلاختِيار	التَّخَصَّص
		اِلطّالِب اِلأَوّل
		اِلطّالِبة اِلثّانية
		اِلطّالِب الثّالِث
		الطّالِب الرّابِع
		الطّالِبة اِلخامْسة

---