الدرس الثّاني
| فُرصة سَعيدة | Nice to meet you! |
المفردات والعبارات
اسمعوا هاي المفردات والعبارات وادرسوها:) في البيت(
Listen to the following vocabulary and expressions and study them. (At home)
| Comments / Response / Example | المعنى بالانجليزي | الكلمة أو العبارة |
| رفيق (ة) is used in Lebanon and Syria, While صاحب(ة) is used in Jordan and Palestine | Friend | صاحِب (ة) / رْفيق (ة) ج. أَصحاب / رِفقات |
| مثال: مِن وين رْفيقتِك نِسرين؟ | From where…? | مِن وين…؟ |
| Both can be used with a noun or a verb: شو/ايش بتشتغل؟ – شو/ايش اسمك؟ | What | شو؟ / ايش؟ |
| مثال: عَندي مُحاضَرة عَرَبي هَلَّق | Now | هَلَّق – هَلّا – هَلقيت * |
| إيه is used in Lebanon and Syria, While آه / أيوة is used in Jordan and Palestine | Yes;[AR1] correct | آه / أَيوَة / إيه |
| مثال: شو أَخبارَك؟ طَمِّني عَنَّك؟ | How are you doing? Lit. I want to check-in on you | طَمِّني / طَمْنيني )عَنّك / عَليك) |
| بَرضو is only used to mean: also, too, as well | Also, too, as well, more | كَمان / بَرضو |
| مثال: أَنا فِلِسطيني بَس بَسكُن في الأُردُن | But, only, just, enough | بَس |
| مثال: أُمّي وأَبي ساكنين هون بِأَمريكا | Here | هون |
| The tone of voice can convey the meaning of “cool!, interesting!” | Cool!, interesting!, beautiful, sweet | حِلو! |
| اِلرَّد: إِذنَك مَعَك! / إذنِك مَعِك! | Excuse me | عَن إذنَك! عَن إذنِك! / بِاِلإِذِن |
| الرَّد: بيِوصَل / الله يسَّلمك! | Say hi to … | سَلِّملي عَلى / سَلْميلي عَلى… |
| الرد: تْشرَّفنَا (بمَعرِفْتك) / الشَّرَف إِلي | Pleasure to meet you! | تْشَرَّفنا |
| الرَّد: (و) أَنا أَسعَد | Nice to meet you/nice to see you (more formal) | فًرصَة سَعيدة* |
| الرّد: يْزيد فَضلَك! / يْزيد فَضلِك! تِسلَم / تِسلَمي / بِالأَفراح | Come over, come in, here you go | تفضّل / تفضّلي / تفضلّوا (عَلينا) |
تمرين 1: استخدموا هاي المفردات في جمل واعملوا تسجيل صوتي تقرؤوا فيه الجمل. (في البيت)
Use the following words in a sentence and record yourself reading the sentences. (At home)
| بَس | كَمان | هَلّق / هَلّا |
| حِلو | هون | بَرضو |
- شاركوا الجمل اللي سجّلتوها مع زملائكم/زميلاتكم. (في الصف)
- Share the sentences you recorded with your colleagues. (In class)
تمرين 2: اِسمَعوا الحِوار وعَبّوا اِلفَراغات بِاِلكِلمات واِلعِبارات اللي بتِسمَعوها. (في اِلبيت)
Activity 2: Listen to the dialogue and fill in the blank with the words and expressions you hear. (At home)
“تْفَضَّل عَلينا”
فادي: السلام عليكم.
لينا: ____________ ____________. أهلاً ____________ فادي!
فادي: كيفك؟ شو ____________؟
لينا: ____________، الحمد لله. وإنت كيف ____________؟
فادي: الحمد لله ____________.
لينا: ايش ____________ في فلسطين؟
فادي: والله _______ ________ أزور أخوي وأشوف أولاده.
لينا: ____________! ____________ علينا؟
فادي: تسلمي! ____________ إن شالله!
فادي: ____________ على إمك وأبوك.
لينا: الله يسلمك! ____________!
للتسجيل
فادي: السلام عليكم.
لينا: وعليكم السلام. أهلاً أستاذ فادي!
فادي: كيفك؟ شو الأخبار؟
لينا: كويسة، الحمد لله. وإنت كيف صحتك؟
فادي: الحمد لله منيح.
لينا: ايش بتعمل في فلسطين؟
فادي: والله بس بدي أزور أخوي وأشوف أولاده.
لينا: حلو! تفضّل علينا؟
فادي: تسلمي! بالأفراح إن شالله!
فادي: سلميلي على إمك وأبوك.
لينا: الله يسلمك! بيوصل!
تمرين 3: مكالمة أردنية (فيديو)
Activity 3: A Jordanian Phone Call (video)
- اِلاستِماع الأوَّل (في اِلبيت): شوفوا واِسمَعوا الفيديو (3 مَرّات) واِكتِبوا في تَعليق على كانفاس اِلمُفرَدات والعِبارات اِللي سمِعتوها وفهِمتوها.
- First Listening (At home): Watch and listen to the video 3 times, then write a comment on Canvas with the vocabulary and expressions you heard and understood. (Canvas discussion)
- اِلاستِماع (في اِلصَّف): شوفوا الفيديو مَرّة ثانية وناقشوا مَع زُملائكم شو مُمكِن يكون مَعاني هاي العِبارات:
- Listening (In class): Watch the video again and discuss the meaning of the following expressions:
| كيف الأوضاع؟ | |
| ماشي | |
| شو عامل؟ | |
| وين أيامك؟ | |
| داحلة |
- بعد الاستماع (في الصف): اقرؤوا مع زميلكم/زميلتكم هاد الكاريكاتير وناقشوا شو فهمتوا وشو علاقتها في الاستماع.
- After listening (In class): Read this cartoon with your colleague and discuss what you understood and its relation to the listening.
تمرين 4: اِعمَلوا حِوار مَع زَميلكُم/زَميلِتكُم واِستَخدِموا فيه أَكثَر عَدد مِن اِلمُفردات واِلعِبارات اِلجْديدة مِن اِلدَّرس. (في اِلصَّف)
Activity 4: Create a dialogue with your partner using the new expressions and vocabulary learned in this lesson. (In class)
| لعب الأدوار: بدكم تتصلوا مع رفيقكن/رفيقتكن حتى بس تتطمنوا عليهن. تبادلوا أرقام التلفونات وبعدين طالب(ة) من المجموعة بيطلع/بتطلع من الصف واحكوا مع بعض بالتلفون. استخدموا أكثر عدد من المفردات والعبارات اللي تعلمتوها من الدرس ومن الاستماع. تأكدوا تبدأوا الحوار بالسلام وتنهوا الحوار نفس طريقة “المكالمة الأردنية”. | Role-play You’re calling your friend to check on them. In groups of two. Exchange phone numbers then one partner leaves the class to make the phone call. Use as many vocabularies from the lesson and the listening as you can. Make sure to start the role-play with greetings and end it similar to the “Jordanian way”. |
القواعد (1): أسماء الإشارة Demonstrative Pronouns
| المعنى | أسماء الإشارة |
| this (m.) | هاد / هيدا / هـ |
| this (f.) | هاي/ هيدي / هـ |
| these | هدول/ هيدول / ه |
| that (m.) | هداك / هيداك |
| that (f.) | هديك / هيديك |
| those | هدولاك / هادوليك |
* the demonstrative هـ is used for both feminine and masculine when pointing out things or people but not to introduce someone.
** the demonstratives هيدا – هيدي – هيداك – هيدول – هيديك – هادوليك are mainly used in Lebanon.
مثلاً:
هاد صاحبي من الجامعة
هالسّيارة قديمة كثير
هالولد بيدرس بالمدرسة الجديدة
قرأت كل هالكتب
Note: When using the non-human plural nouns, any of these demonstratives هاي / هـ – هدول – هدولاك can be used:
مثلا:
هَدول السيارات من اليابان = هاي السيارات من اليابان = هالسيارات من اليابان
هديك السيارات من اليابان = هدولاك السيارات من اليابان
تمرين 5: ترجموا هاي الجمل للعامية مع بعض: (في الصف)
Activity 5: Translate the following sentences to Shaamii:
| This is your sister friend Laila. | |
| That is my book. | |
| Those classes are difficult. | |
| That is his brother. | |
| I know these students. | |
| This teacher (m.) is new. |
تمرين 6: اِسمَعوا الحِوار وعَبّوا اِلفَراغات بِاِلكِلمات واِلعِبارات اللي بتِسمَعوها. (في اِلبيت)
Activity 6: Listen to the dialogue and fill in the blank with the words and expressions you hear. (At home)
“هاد رفيقي”
ستيفاني: ____________ جوزيف.
جوزيف: ____________ ستيفاني، كيفِك؟ شو ____________ ؟
ستيفاني: ____________ الله، منيحة. بس مشغولة ____________ . وإنت شو أخبارك؟ ____________ ____________ ؟
جوزيف: ____________ ____________ ، ما في شي ____________ . بدي ____________ على رفيقي… ____________ عبد العزيز رفيقي من إيام ____________ .
ستيفاني: أهلا عبد العزيز.
عبد العزيز: أهلا فيكِ.
ستيفاني: بتدرس ____________ في هاي الجامعة؟
عبد العزيز: لا أنا هون بس ____________ . وإنت بتدرسي هون؟
ستيفاني: ايه، بدرس ____________ انجليزي. من وين إنتَ؟
عبد العزيز: أنا من فلسطين بس ____________ في لبنان.
جوزيف: عن ____________ ستيفاني، لازم ____________ عالجيم.
ستيفاني: ____________ ____________ ، تشرّفنا عبد العزيز.
عبد العزيز: تشرّفنا. مع ____________ .
ستيفاني: باي.
للتسجيل
ستيفاني: صباحو جوزيف.
جوزيف: صباحو ستيفاني، كيفِك؟ شو عاملة؟
ستيفاني: نشكر الله، منيحة. بس مشغولة بالدراسة. وإنت شو أخبارك؟ طمّني عنك؟
جوزيف: ماشي الحال، ما في شي جديد. بدي عرفك على رفيقي… هاد عبد العزيز رفيقي من إيام المدرسة.
ستيفاني: أهلا عبد العزيز.
عبد العزيز: أهلا فيكِ.
ستيفاني: بتدرس هون في هاي الجامعة؟
عبد العزيز: لا أنا هون بس زيارة. وإنت بتدرسي هون؟
ستيفاني: ايه، بدرس أدب انجليزي. من وين إنتَ؟
عبد العزيز: أنا من فلسطين بس ساكن في لبنان.
جوزيف: عن إذنك ستيفاني، لازم نروح عالجيم.
ستيفاني: إذنَك مَعَك، تشرّفنا عبد العزيز.
عبد العزيز: تشرّفنا. مع السلامة.
ستيفاني: باي.
القواعد (2): أَدَوات الاستفهام Question Words
| مثال | المعنى | أداة الاستفهام |
| شو اسم هاي المدينة؟ شو بتدرس في الجامعة؟ | What? | شو / ايش؟ |
| ليش بتدرسي هاد التخصّص؟ | Why? | ليش؟ |
| كيف | How? | كِيف؟ |
| وين بتسكن يا أحمد؟ | Where? | وين؟ |
| ايمتى / متى بدكم تسافروا على سوريا؟ | When? | مَتى؟ / ايمتى؟ |
| كم سيارة عندكن؟ | How many? / How much? | كَم؟ / قَديش؟ |
| كم الساعة في كاليفورنيا هلّا؟ | What time is it? | كَم / قَديش الساعة؟ |
| بكم هاد الدفتر؟ | How much? (Asking about the price of something) | بْكَم؟ / بْقَديش؟ |
| مين هدول الأولاد | Who? | مين؟ |
| أي مدينة بتحبّ أكثر؟ دمشق أو بيروت؟ | Which? | أيْ؟ |
| بتاكل لحم ودجاج؟ | Yes or no questions. | X |
تمرين7 : اكتبوا السؤال الصحيح لكل جواب من هاي الأجوبة: (في البيت)
Activity 7: Write the appropriate question(s) for the following answers (At home)
اسمي نادر وأنا من فلسطين. السؤال: ___________________________________؟
عمري 25 سنة. السؤال: ___________________________________؟
لأني بحبّ اللغة العربية. السؤال: ___________________________________؟
الحياة في لبنان حلوة. السؤال: ___________________________________؟
لا، أختي ما بتسكن في عمّان. السؤال: ___________________________________؟
هدول طلابي في صف العربي. السؤال: ___________________________________؟
هاد الكتاب بـ 15$ دولار. السؤال: ___________________________________؟
بتخرّجوا من الجامعة في الصيف. السؤال: ___________________________________؟
لينا عندها 5 اخوة. السؤال: ___________________________________؟
تمرين8: استخدموا أكثر عدد من أدوات الاستفهام واسألوا زملائكم لتعرفوا أكثر عنهم. (في الصف)
Activity 8: Use as many questions word to ask your colleagues questions and learn more about them. (In class)
تمرين (8): استماعات “أصلك من وين؟”
شوفوا فيديو “العرب الأمريكيين” وفيديو “باك تو ذا فيوتشر” وبعدين جاوبوا على الأسئلة: (في الصف)
- وين الأشخاص في الفيديو بسكنوا؟
- شو أصلهم؟
- ليش الأشخاص بسألوا عن الأصل؟
[AR1]Use , or ;?